Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 13J2.21
Editor: Ed. S. D. Goitein, unpublished editions https://princetongenizalab.github.io/goitein-notes/5D.2.3%20-%2013J%20%281-10%29%20PT%201/T-S%2013J2.21%20%28PGPID%201007%29.pdf.
Library: CUL
Type: Legal document
1 שהדותא דהות באנפנא אנן שהדי דחתמות ידנא לתתא סוף שטרא דנן כן הוה
2 בחדש אלול דשנת אלפא וארבע מאה וחדא וחמשין שנין לשטרות בפסטאט
3 מצרים דעל נילוס נהרא מותבה חצרא אלינא שאהדין תקאת וא[שהדא] בין ידינ[א
4 אנהם אקניא מן סת אלבהא בת אליה זוגה אבו אלחסן עלי הכהן בן ישועה הכהן
5 אלדבאח בעד צחה אלמערפה בהא קנין גמור חמור בכלי הכשר לקנות בו
6 מעכשיו בביטול כל מודעין ותנאין ברצונה בלי אונס כלל אנהא קד
7 תסלמת מן אלשיך אבו כתיר בן יחי[י] תמאניה עשר דינארא ונצף ותלת
8 דהבא עינא מתאקילא ואזנה מצריה גיאדא צחאחא ואנהא צארת אליהא
9 עלי אלכמאל ואלתמאם והי אלתי כאנת להא מודעה ענדה ואנהא קד אברתה
10 מנהא ומן כל דעוי וטלב פיהא בראה קבץ ואסתיפא בראה תסלים וחוז
11 בראה כאמלה לא דעוי עליהא יבטלהא ולא חגה תפסכהא ולא אמר
12 יעלהא מנהא ומן וראתהא בעדהא לאלשיך אבו כתיר בן יחיי דנן ולוראתה
13 בעדה ומן כל ימין ואלה וחרם ושבועה ונידוי ילזמה פי דלך ואפילו
14 חרם סתם ואפילו על ידי גלגול וכאן הדא אלקנין יום תקדיס סת אלבהא
15 דא עלי מ עלי הכהן רגלהא אלמקדם דכרה קבל יעקד בינהם אלקידושים
16 פלמא ערפנא דלך מן אלשהוד אלדי אורדו הדה אלשהאדה אלינא נחן אל
17 כאתמין אספל הדא אלמסטור חין אדן אתבתנאה וסלמנאה לאלשיך
18 אבו כתיר בן יחיי דנן ליכון בידה וביד וראתה לזכו ולראיה לאחר ח ש
19 היום והכל שריר ובריר וקיים נתן הכהן בר שלמה הכהן נע א א
20 ישועה בר יאשיהו נין שמעיהו גאון זל נתן ביר שמואל החבר זל