Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 13J2.8
Editor: Ed. S. D. Goitein, unpublished editions https://princetongenizalab.github.io/goitein-notes/5D.2.3%20-%2013J%20%281-10%29%20PT%201/T-S%2013J2.8%20%28PGPID%201014%29.pdf.
Library: CUL
Type: Legal document
1 יכתץ באלחלבי וארת אלעזאזי
2 חצ]ר אלי בית דין סאלם בן מנצור אלחלבי ודכר אן לה
3 זכות ועדות ענד מן יאתי דכרה בעד הדא
4 פחצר אלינא רב אברהם בר שמריה הדיין אלחלבי נע
5 ודכר אן אסמעיל אלעזאזי אלחלבי אלמתופא בעכה פכלף
6 אכוין בחלב אסם אחדהמא אסד לה ג אולאד ואלתאני
7 הבה לה ולדין ואן אסמעיל הדא הו עם לסאלם הדא
8 ואן מא כאנו קט גיר ד אכוה אכברהם אסד ובעדה
9 הבה ובעדה מנצור ואלד סאלם דנן ואצגרהם אסמעיל
10 אלמתופא בעכה ותם חצר איצא אלעזר בר הלל
11 אלחלבי איצא ודכר מתל הדה אלשהאדה בעינהא
12 חרף בחרף לא זאיד ולא נאקץ ותם סאלנאהמא
13 אנן בי דינא הל תעלמא אן כאן תזוג אסמעיל מן
14 קבל ופאתה //בעכה// אלתי קד צחת ענדכם פקאלו לא ומא
15 תזוג קט ותם חצר איצא ר הלל בר מובחר אל
16 חלבי ושהד בשהאדה אלמתקדמין פוק הדא לא
17 זאיד ולא נאקץ וכאן דלך ביום שני פי יב יום כלת
18 לחדש כסליו מן סנה אתיא ומא דהוה קדמנא ומה
19 דאסהידו קמנא (צ"ל: קדמנא) כתבנא וחתמנא לזכו ולראיה למ
20 סאלם דנן יצחק ביר שמואל זל
21 יוסף הכהן בר חלפון נע
22 פרחיה המלמד בר ארח ננ
1 חצר אלינא אנן בי דינא אלשיך אבו אלמרגא מר ורב יוסף בר מר
2 מבורך דידיע בן אלנאקד ואלשיך אבו אלחסן מר אהרן בר מר
3 יפת אלאסכנדראני ואבי אלפרג מר ישועה בר מר יצחק אלצבאג
4 וצמנא בבית דין אן גמיע מא יאכדה סאלם דנן אלמדכור פי באטן
5 הדה אלרקעה מן דינאר ואחד אלי מאיה דינ' ודלך בקנין וכלי הכשר מן //פי אחריותהם אן וצל טאלב אחק// סאלם
6 לקנות בו בביטול כל מודעי ותנאי שריר וקיים ודלך בחדש דנן בה[דא
7 כסלו שנת אתיא לשטרות תלי ביני שיטי ומכתוב פי אלגאנב אלמקד[אר
8 פי אחריותהם אן וצל [[מן יסתחק]] טאלב אחק מן סאלם דנן בהדא
9 אל]מקדאר וקיימין ודין קיומיהון הלל ביר עלי זל
10 עמרם בר אברהם ננ יצחק ביר שמואל זל
1 חצר אלי בית דין ר עלי
2 בן כבוד גק הלל החזן הגדול
3 וטאלב ר משה הזקן ביר אפרים
4 בעמאמתין סקיליה שראהא סתה
5 דנאניר ורבע מנד יב סנה ונחוהא
6 פסאל מר משה דנן ען דלך פקאל
7 לא היו דברים מעולם מא עאמלתה
8 יום קט ומא דהוא קדמנא כתבנא
9 וחתמנא יצחק ביר שמואל זל
10 שלמה ביר נתן החבר זל
11 ישועה בר יכין ננ