Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 13J20.1
Editor: Ed. Moshe Gil, Palestine During the First Muslim Period (634–1099) (in Hebrew) (1983), vol. 2.
Library: CUL
Type: Letter
1 שלום רב וברכות כפולות וחמלה וחנינה
2 ואורך ימים ושנות חיים ויד וממשלה ועוז
3 וגדולה וגילה וצהלה ומילאוי כל שאלה [ת]מיד
4 נצח סלה לזקנינו ואדירנו ויקירנו ונכבדנו
5 כבוד גדולת קדושת מר ור אברהם הכהן
6 השר היקיר בירבי יצחק הכהן נע
7 יעלם סיידי אלשיך חפצה אללה ואדאם סלאמתה
8 ובלוג כל מוראד אנא קד וקענא מע דא
9 אלאנסאן אלוקיח אבו עלי אבן איוב פי אחדאת
10 דוירת אלמקווא ואחד>א<ת עולייה עלא דהליז
11 אלכניס לם //יכון// לוה פי שרט אלאחכאר ומר ביננא
12 ובינוה כצומה וכלאם יטול שרחה ומא אקנעה
13 דאלך חתא גא אלא אלכריבה אלדי ללכניס
14 [[זע]] זרעהא בצל ופול ומא אראד בגיר עילמנא
15 ולא אמר אחד קילת אעתבה ומובאלה וכלמתה
16 וכאצמתה ואנכרת עליה יום בעד יום והוא באוי
17 לא יבאלי בלכלאם והוא אנסאן אן שדיד יקול
18 תעבת פי האדה אלכריבה וכאן וכאן (!) אלאן יתפצל
19 סיידי אלשיך חרסה אללה יסתדעי בה וינכר עליה
20 פעלה דא ויגעל עליה פי תעדיה אלא גיר מלכוה
21 גנאיה ודנב ושלום זקנינו ונכבדנו ויקירנו
22 יגדל וכבודו לא ידל אמן נצח סלה<
23 אוהבו אברהם בירבי שמואל השלישי בחבורה נע
24 יתפצל סידי אלשיך אן ינפד יכרב בה כל
25 ואנכר عليه