Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 13J21.17
Editor: Ed. S. D. Goitein, "A Letter of Historical Importance From Seleucia (Selefke), Cilicia, Dated 21 July 1137" (in Hebrew), Tarbiz / תרביץ 27, no. 4 (1958). With corrections from his personal offprint. Minor revisions by Alan Elbaum, 11/2019. See also Holo, Byzantine Jews in the Mediterranean Economy, pp. 60–62 and throughout https://www.academia.edu/42909410/S.D._Goitein_A_Letter_of_Historical_Importance_From_Seleucia_Selefke_Cilicia_Dated_21_July_1137_Tarbiz_vol._27_no._4_July_1958_521-535_Hebrew_; also ed. S. D. Goitein, unpublished editions https://princetongenizalab.github.io/goitein-notes/6C.1.1%20Mediterranean_%20vol.%20I/T-S%2013J21.17%20%28PGPID%201025%29.pdf.
Library: CUL
Type: Letter
1 אישה כי תזריע ושאן . . . ן
2 דכר כמא כתבת אליך פיוט עמלתה עבראני ולעלה יצל
3 קלת פיה יוחברו עצמי עם זקיני ותראה לי רביה בן זקונים
4 ולעל ימן אללה בחצורך ויכונו ג׳ בנאת ורזקהם עלי אללה גל
5 אסמה וכם חזנת חית לם תחבל כרימתי מן כתרה אלשחב
6 ולו כנת חאצר לדברת להא אלחבל לעמרי בעד אלהזאל
7 ולא חילה פי חכם אלדהר הודא זוגתי בלא דוי קט מא חבלת
8 וקד כאן בן אלשביעי טלב מני מחפוצה לאבן אלסעיליך מן
9 אהל עכה ולם יתפק וקד תופי //אברהם// ובקי ולדה יתים ואלאמר ללה
10 וכתבאת אלבלד כתיר דפענא לצהרנא ר׳ שמואל בן ר׳ משה
11 בן שמואל אלתאגר אלאִנגֻבַרדִי דהב כ׳ד׳ש׳ פצה רטל תוב
12 דיבאג תובין חריר ובשתין קיתין וזכאריף לטריאתין //ומזרה// חריר
13 גלאיל ד׳ תובין קטן עמאים י׳ טואל וקצאר סריר וכלה
14 וכזאנה דולאביה מצורה צטל נחאס וקצריה וכרניב
15 כואתם דהב ופצה פרש אלכדים בצט תכון אלגמלה מאיתי דינר (!)
16 ואללה אלמסבב מא כרגנא מן ענדכם במאל לא אמות כי אחיה
17 ואספר מעשי יה ואעלם אדאם אללה בקאך אן כל כתאב ינפד
18 צחבתה שי לעֹלָם מא יצל לאני אנפדת רב..א ורב תות
19 וריבאס וברבאריס וורק גאפת ועצארתה ו[א]פסנתין
20 ועקאקיר להא ענדכם קימה ותמן והו אלסבב אן לא תצל
21 אלכתב וערפני מוצל כתאבך אן אלשיך אבו זכרי יחיי חאצרתה
22 וקד תופית זוגתה ועגבת כיף לם יסהל עליה ולא עלי
23 אלשיך אבו נצר בן אצחק זל יגמלונא פי בלד אלרום בכתאב
24 עבראני וקד עלם אללה מא מצת סנה ולא תמצי אל/א/ וכתבי
25 וארדה אליכם והדה ה׳ כתאב גואב כתאבך אלואחד א׳ צחבה
26 מוצלה ב׳ מיעיר (!) המלוכה הדא ג׳ מן שיון ד׳ מן אלעסכ[ר] מן
27 יאפא //ה׳ מן רודס // קלת לעל יצל א׳ מן ד׳ (!) ולעל אללה יזכיך לנבואת דניאל
28 ושמה יוסאר (!) התמיד ואללה יקיים עלינו ועליכם כמה קאל
29 ואלדך זצוקל פי אלהבדלה אלדי סירתהא לחצרתך צחבה
30 בן אכתך אלי חי לאפרחי אזי יקביץ מיארקה ומיעקה
31 ומצוקה ולמעוז ליום צרה פאמא חאלי וחילי פעלי גמלה
32 אלסלאמה כמא קאל כלב בן יפונה הקנזי ליהושע בן נון עה
33 ואן כאן ניתך אלמגי פלא תאסף עלי שי תכליה הנאך כמא
34 קאל יוסף עה ליעקוב אבינו פקד מן אללה ועוץ וקד עמרת
35 אלדאר בתקדיר ר דינר (!) ולי ת׳ מטר נביד כל מטר י׳ טמאייא/ת/
36 וקד כתבת אלי יחיי ואכיה צהרי ואצדקאנא עבראני וערבי
37 ואנא מבגל פי קומי מופק פי צנעתי מכרם מן רוסא
38 [מדינ]תי . . . לי אתך וללה אלחמד ואלשכר ואן כאן
1 לחצרתך מגי פתכון כתבי אלדי כליתהם הנאך צחבתך
2 עלי אני קד אוצית רושאנא(!) אן וקע להם מן צובה
3 ודמשק כתב טביה יצתצחבוהא לי וקד מלכו הם עם
4 אנט[אכ]יה כמא סמענאה פאמא חאל אבו אלחסן בן בנת כאלי
5 פקד כתבת י׳ כתב אנה תופי פי בית אבו עלי צהר אלחבר
6 אלבגדאדי אלזלבא[ני פ]י אלקסטנטיניה ודכרו אנה כלף מאל
7 ותיאב ונסך ואלע.ם ללה וגמני מא גרי עלי בנת כאלי
8 וקד עלם אללה לכל אהלי לולא קלה אלתקה כנת אנפד ממ/א/
9 בעת אללה לא להא וחדהא וקד כתבת ללשיך אבי זכרי
10 אעזיה ען ואלדתה וכאלתה וולדהא אבי אלפצל זל וקד
11 כתב חמוי וולדה כתאב עבראני מע מוצל כתאבך
12 באלשכר ואלמחבה ולא תעוד תכתב בסבבה אלמעלם לאן
13 הדא נקץ ענדהם לאן אלרגל ראב (!) וולדה תלמיד ר הליל זל
14 וחמוי תלמיד גדי ותלמיד ר ..מ. זל והו אליום בבא..יה
15 תכון מן סלוכיא מתל מצר מן אלפיום וקד זוג ולדה הנאך
16 וכל כיר אלדניא ענדהם מתל אלפיום והו להם ראב (!) ודרשאן
17 ודיאן וראש והם כמו נ׳ בתים יברכם אל והו וולדה כל קליל
18 ענדנא ובן אלצהרגתי פהד תופי הו וולדה ובקוית (!)
19 זוגתה בנת בן שמילה תעלם אלמולי אכיה ר׳ שלמה
20 אני אקבל ידיך ועיניך וכדלך כֻרְשִׂי ואט{פ}אלהא
21 וצהרנא וחמוי וולדה וזוגתה ועיני כרימתי ובן כאלי
22 וכאלתי וכואתה וכל מן סאל ענא ובן כאל ואלדתי //בנאמון//
23 וכנת כתבת אליה ואליכם בסבב רבע דרהם בזר מלוכיה
24 ויברוח וכטמיה לאן מא לנא מנהם שי ולם יצלני
25 שי אלי אלאן נכתב בראש חודש אב שנת אתמח לש