Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 13J21.36
Editor: Ed. S. D. Goitein, unpublished editions https://princetongenizalab.github.io/goitein-notes/5D.2.2%20-%2013J%20%2819-24%29_%20pt%202/T-S%2013J21.36_2%20%28PGPID%201030%29.pdf; also ed. S. D. Goitein, unpublished editions https://princetongenizalab.github.io/goitein-notes/5D.2.2%20-%2013J%20%2819-24%29_%20pt%201/T-S%2013J21.36_1%20%28PGPID%201030%29.pdf.
Library: CUL
Type: Letter
1 בשמך רחמן
2 כתאבי אליך יא רבי שמואל ואעז אלכלק ענדי ואלא (!) ולדיה אלשיך אבו עלי
3 ואלשיך סידלהל אדאם אללה עזהם ותאיידהם ונעמאהם ומן חסן
4 תופיקה לא אכלאהם גמע אללה ביני ובינהם עלי אסר חאל במיניה (!)
5 וכרמה אנה וליי וקאדר עלי דלך אן שאללה וממא אעלמכם
6 אן מן וקת מפארקתי לכם מא הנא לי עיש וקד אבטא כברכם
7 עני חתי ולא כתאב יצל לי מנכם ואלמטלוב אן תכשפו לי כבר
8 אלגאליה הל עארצכם אחד ענהא או לא ולמא כנת פי אסכנדריה
9 אגתמעת מע אלשיך אבו אלמכארם אבן נפיע ומע צאלח
10 ואסתקר מע אלשיך אבו אלמכארם אנה יגתהד פי אמר כפאיה
11 צאפר אלגאבי פאיש מא כאן לא תכפיה עני ויא שיך סידלהל
12 מא אחתאג וציה פי מן ענדך ותכון כמא עלמת מנך פי
13 אלחנה ואלשפקה עליהם ואלרעיה ואנא מתכל עלא אללה
14 ועליכם פי כפאיה מן יאדי צאחבה אלבית פאנכם מא
15 יציע אללה פעלכם אלכיר מעהא וגירהא פי מא יכין אלדאר
16 ואלנצר פי אחואלהא פאללה יגעלכם מן מקאצד אלכיר
17 אבדא פאן אחתאגת צאחבת אלבית אלא (!) שי פתביע
18 ממא חטיתה ענדהא ולא תצי\י\ע פי נפסהא פאללה
19 יגזיהא באלכיר עלי צחבתהא קראת עליכם אלסלאם
20 ועלי מולא אלכהן אבן מרדוך ואולאדה ומן תחוטה
21 ענאיתה אלסלאם ועלי אלשיך אבו אלמפצל הלוי אלסלאם
22 ועלי מולאי אלכהן [אברהם] שריכה אלסלאם ועלי מן
23 תחוטה ענאיתהם אלגמיע פמא לי אתגאה אלא אלדעא
24 אלא אללה פי מצאלח אלאחואל לנא גמיעא פאללה לא
25 לא יכייבנא פי מא נקצדה ושלום
26 ואני טאלב אלחג
1 יצל הדא אלכתאב אלי מצר חמאהא מן עבד אללה
2 אללה תעאלי אלי אלשיך אבו אלמפצל שאכר אנעאמה
3 שריך אברהם יוצלה אלי אלשיך סידלהל
4 ולד ר שמואל