Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 13J23.4
Editor: Ed. Moshe Gil, Palestine During the First Muslim Period (634–1099) (in Hebrew) (1983), vol. 2; also ed. S. D. Goitein, unpublished editions https://princetongenizalab.github.io/goitein-notes/5D.2.2%20-%2013J%20%2819-24%29_%20pt%202/T-S%2013J23.4%20%28PGPID%201067%29.pdf.
Library: CUL
Type: Letter
1 אש[ ]המא לאן הדא אלבית אלגליל [ ]
2 [הי]כל כבוד ללזיארה ומא תרכת אלמואצלה אלא למא [
3 אלתי לא שך אן אלאכבאר קד אתצלת בהא וקד וקף עלי [צפ]תהא ותפצילהא
4 מן וקוף אמורי גמיעהא ואפילו צמצום המזון עליי ועלי מן וראיי מן אלעילה
5 אלתקילה ולולא דלך לכנת אואצל אלמכאתבה כמא אנני הודא אואצל אלברכות
6 לה פי גמיע אלמחאפל ובכל קהילות ישראל והמוניהם ואנשר מחאסנה
7 ואוצאפה וייי ברחמיו הרבים יסתגיב פיה צאלח אלברכות ויתנהו לשם
8 ולתהלה ברכה בקרב הארץ ויהיה לו לש[מש ומגן] לקיים כי שמש ומגן
9 ייי אלהים חן וכבוד יתן ייי לא ימנע טו[ב להולכים בתמים] וואצלת
10 אלמכאתבה או קטעתהא פאנני ואתק בדינה וניתה ומחבתה [ ]
11 מן אללה ובה בעד אללה אעתצד ועליה אתכל פי גמיע אמורי ועליה אעול
12 ואליה אסתנד עצדני אללה בבקאיה וחיותה וגמלני וכאפה אלאמה בדואם
13 רפקה וואצל אליה מן אחסאנ[ה אלגמילה כמא אח]אב ואשתהא וכן יעשה וימלא
14 ומן בעד פלה אדאם אללה עלוה עלו אלראי פי אלוקוף עלי מא כתבת בה אלי
15 חצרתה ואגאבתי ענה רבבסטה לעדרי פי תאכר אלמכאתבה טואל הדה אלמדה
16 ויקדם עלי גמיע דלך דכר אכבארה ואחואלה ואכבאר אלסאדה אלאגילי אלפתיאן
17 אדאם אללה תמכינהם וגעל דלך אלסיד פתי אלול[י דויד ר]צי אללה ענה כאלפא באקיא
18 לקיים כי תחת אבותיך יהיו בניך תשיתמו לשרים בכל הארץ ושלום אדוננו
19 ואבירנו ונבוננו הזקן המשכיל וברכותיו וטובותיו והצלחותיו ירבה לעד
20 ה בסיון ישועה