T-S 13J3.12

Settlement of a complicated dispute in Fustat recording that Abu al-Ḥasan b. Numayla had rented from Abu al-Ma'ali Shemuel b. Yehuda a house in Alexandria for two years (rent: 9 dinars). Abu Sa'd, the former tax farmer of Benha Sa'adya b. Efrayim b. Hudhaifa had given 8 dinars, which he had owed to Ben Numaila, to Abu al-Ma'ali. The latter retained the 8 dinars as payment for the rent of Ben Numaila, who had meanwhile died. But as Abu Sa'd had to return the debt to Ben Numaila’s heirs, he had to take recourse to Abu Ma'ali; ca. 1165., in the hand of Shemuel b. Seadya ha-Levi. (Information from Goitein's index cards). VMR and EMS
Editor: Ed. S. D. Goitein, unpublished editions https://princetongenizalab.github.io/goitein-notes/5D.2.3%20-%2013J%20%281-10%29%20PT%201/T-S%2013J3.12%20%28PGPID%201099%29.pdf.
Library: CUL
Type: Legal document
Tags: tax tax farming
Cambridge University Digital Library (CUDL)
1  למא כאן יום אלאתנין אלתאסע מחדש כסליו שנת אלפא וארבע מאה ושבעין ושבע שנין לשטרות
2  בפסטאט מצרים דעל נילוס נהרא מותבה רשותיה דהדרת יקרת צפירת תפארת מרינו ורבינו
3  אדונינו גאונינו נתנאל הלוי רכב ישראל ופרשיו יחיד הדור ארי התורה ראש הישיבה שלגולה
4  יהי שמו לעולם חצר אלינא אלשיך אבו אלמעאלי כגק מר ור שמואל הזקן הנכבד גביר המבינים
5  בר כגק מר ור יהודה הזקן הנכבד נע ואלשיך אבו סעד אלדי כאן צאמן בנהא כגק מר ור
6  סעדיה הזקן הנכבד בר כגק מר ור אפרים הזקן הנכבד נע דידיע בן חדיפה ודכרא אנהמא
7  חצרא מושב אדונינו גאונינו ירומם ואן אלשיך אבו סעד דנן אעתרף פי אלמושב אלמדכור
8  ירומם אן כאן ענדה ללשיך אבו אלחסן דידיע בן נמילה תמאניה דנאניר בתורת חוב ואן אלשיך
9  אבו אלמעאלי דנן אכד אלמבלג אלמדכור מן אלשיך אבו סעד דנן בעד מות אלשיך אבו אלחסן דנן
10  בכתאב אלרייס אבו מנצור זל ען אגרה דאר ללשיך אבו אלמעאלי דנן באלאסכנדריה כאן ללשיך
11  אבו אלחסן דנן אסתאגרהא מן אלשיך אבו אלמעאלי דנן בתסעה דנאניר מדה סנתין חסב מא
12  ישהד בדלך אלאגארה אלתי ביד אלשיך אבו אלמעאלי דנן וקאל אלשיך אבו סעד דנן ללשיך
13  אבו אלמעאלי דנן אנא מסתחק עליך אלתמאניה דנאניר אלתי קבצתהא מני ען אלשיך
14  אבו אלחסן דנן לאן וראתה אסתכלצוהא מני ולם יחתסבו לי במא קבצתה מני וגרא בינהמא
15  פי דלך כטוב יטול שרחהא אכר אלחאל אנה דכלו בינהמא זקני יושר וכושר [אוהבי שלום
16  וקררו בינהמא אן יעטי אלשיך אבו אלמעאלי דנן ללשיך אבו סע[ד ד]נן דינארין [
17  ויבריה אלשיך אבו סעד אלמדכור מן בקיה אלתמאניה דנאניר אלתי אדעא עליה בהא אלשיך
18  אבו סעד דנן פלמא תקרר דלך בינהמא סלם אלשיך אבו אלמעאלי דנן ללשיך אבו סעד דנן
19  אלדינארין אלתי תקררת בינהמא בחצרתנא ואקנינא מן אלשיך אבו סעד דנן קנין גמור
20  חמור בכלי הכשר לקנות בו מעכשיו ברצונו בלי אונס כלל בביטול כל מודעין ותנאין אנה
21  קד אברא אלשיך אבו אלמעאלי דנן מן בקיה אלתמאניה דנאניר אלמקדם דכרהא ומן גמיע
22  אלדעאוי ואלמטאלבאת ומן סאיר אלעלק ואלתבעאת אלתי כאנת בינהמא מימות עולם ועד עכשיו
23  בראה כאמלה תאמה קאטעה מאציה ומחל לה גמיע דלך מחילה גמורה ואבטל מעכשיו כל
24  מודע קדמה עלי הדא אלאברא אבטאלא תאמא ורפע ענה פי גמיע מא תקדם דכרה גמיע
25  אלאימאן תקילהא וכפיפהא ואפילו על ידי גלגול ואפילו חרם סתם ומה דהוה קדמאנא
26  כתבנא וחתמנא ויהבנא ללשיך אבו אלמעאלי למיהוי לזכו משה הכהן בר מרדכי הכהן סט
27  שר שלום בר יעקב הכהן סט