Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 13J5.4
Editor: Ed. S. D. Goitein, unpublished editions https://princetongenizalab.github.io/goitein-notes/5D.2.3%20-%2013J%20%281-10%29%20PT%201/T-S%2013J5.4%20%28PGPID%201159%29.pdf.
Library: CUL
Type: Legal document
1 למא כאן יום אלאחד אלתאסע עשר מן שהר טבת שנת אתפו לשטרות
2 חצר כב ג ק מ ור יוסף הכהן השר הנכבד פאר הכהנים בן כ ג
3 קד מ ור נתנאל הכהן השר הנכבד פאר הכהנים זל וקאל לנא אנו
4 העדים מא נפא ענכם קצייתי מע אבו אלכיר בן אלתניסי
5 ומא גרא ביננא פי אמר אלשי אלדי לי ענדה ואנכארה בחצרתכם
6 תם אקר באלמבלג בעד דלך בחצורכם ובעד דלך גרא ביננא
7 פי דלך כטוב כמא עלמתם ואלדי אעלמכם בה אנהם קד
8 גאו אנטרחו עליי באלנאס פי ביתי וקררו אנהם ידפעו לי עאגל
9 כמסה ועשרין דינאר וכמסה דנאניר פי סלך אלשהר אלדאכל וכמ[ס]ה
10 דנאניר איצא מקסטה פי כל שהר רבאעי בשרט אנני אסאמחה
11 באלעשרין דינאר אלבאקיה פאעלמו אנני אן פעלת הדא לא אלא
12 לאגל אלשר אלדי אקבצה מנהם והו מן בעץ מאלי פיכן ענהם עלם
13 בדלך ואנתם פקד חצל ענדכם עלם באלאונס מן קבל דלך
14 ואנני אן סאמחת או והבת פאלמסאמחה או אלהבה עלי הדא
15 אלמודע יכון דלך מחפוטא ענדכם ויכן איצא לזכו ולראיה
16 לי ענדכם אדא חצל קנין //מני// במסאמחה או הבה ולו כתב אן
17 אקני מעי באבטאל כל מודע ותאויל ומודעי דמודעי ומודעי ומודעי דנפקין
18 מגו מודעי ולו כרג אן יקול פי אלקנין וישתרט אן אדא חצר שהוד
19 במודע כאנו פסולין גמיע דלך אבטלתה //מעכשיו// ואנא אדא פעלתה
20 פאנמא אנא פיה אנוס פאעלמוא דלך ואשהדוא בה