Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 13J7.29
Editor: Ed. Moshe Gil, Palestine During the First Muslim Period (634–1099) (in Hebrew) (1983), vol. 2; also ed. and trans. Marina Rustow, Unpublished editions https://docs.google.com/document/d/1GRDYzxxqkanUIR934SKfoSctwpQbY7tgQPtx3g_lKtE/edit?usp=sharing.
Library: CUL
Type: State document
1 על שמך
2 ערצת בחצרת אמיר אלמומנין רקעה מתרגמה
3 בגמאעת אליהוד אלרבאנין יסאלון פיהא
4 חמלהם עלי מקתצא אלסגל אלמכרם
5 אלמכתתב להם באן ימכן אחבארהם
6 מן אקאמה פרוץ דיאנתהם וסאלף סננהם
7 פי מגאמע צלותהם ואלתצרף פי כדם
8 גמאעתהם באלקדס ואלרמלה וגיר דאלך
9 מן אלבלאד ואן יקף ענהם איד מן תערץ
10 עליהם מא לא יסוגה איאה עדל אלדולה
11 ויסומהם מא לם תגרי אלעאדה במתלה
12 ותרך מעארצתהם פי אעיאדהם [[ואקא]]
13 ואקאמת רסומהם פיהא וקצר מן יחול
14 האדא אלחאל מן כצומהם פאמר אמיר
15 אלמומנין בכתב מנשורא תצמן קצר
16 אידי כל טאיפה מן אלטאיפתין מן אל
17 רבאנין ואלקראיין מן אליהוד ען אל
18 אכרי ואן ימכן כל מן יתמדהב האדין
19 אלמדהבין מן אלגרי עלי סננהם אל
20 מאלופה פי דיאנ/א/תהם [מ]ן גיר אעתראץ
21 אן יקע מן אחדי אלטאיפתין עלי אלאכרי
22 פי דאלך ולא ימכן אלקראיין מן אעתראץ
23 מקדמי אלרבאנין באלאבעאד ען אעמאל
24 אלקדס ופלסטין ואן יגרי אצחאב אל
25 מהן מן אלטאיפתין עלי מא גרי בה [[עא]]
26 עאדתהם מן מלאזמה אלביע ואלשרי
27 אן אלקעוד ענה בחסב אראדתהם פי
28 איאם אעיאדהם וליחדר כל מן טאיפתין
29 מן אלתערץ למא יכרג ען הדא אלחכם
30 וליעלם אנה אן תעדא או תגאוז אוקע ביה
31 מן גליד אלתאדיב מא ירדעה וישעף ביה
32 גירה ומכאתבתך יקתצי בהמא נצר ואן
33 תחצר גאית אלחדר מן מראקבה תקע
34 מנך או מחאבה [[תקע מנך]] ואן תעתקל מן
35 יכאלף האדא אלמאמור ותנהי חאלה
36 פאעלם מא אעלמך בה אמיר אלמומנין
37 ואנתהי אלי מא אמרך ביה פי מענאה
38 ואעמל במוגבה ומקתצאה אן שא אללה
39 תע ושלום