T-S Ar.4.5

Will of Wuhsha, the broker, detailing various items and sums of money willed to relatives and charitable and religious purposes; appointment and provisions for a son born out of wedlock as heir and what to do if he dies before reaching maturity; funeral expenses; and references to previously-made declarations. The total amount of sums referred to in the will is 689 dinars, a large fortune, and the denoted funeral expenses were lavish for the time. Regarding the father of her only child, Wuhsha notes, “He shall not get a penny.” (S. D. Goitein, “A Jewish Business Woman of the Eleventh Century,” Jewish Quarterly Review, 1967, 229-41) EMS
Editor: Ed. S. D. Goitein, "A Jewish Business Woman of the Eleventh Century," The Jewish Quarterly Review 57 (1967).
Library: CUL
Type: Legal document
Tags: will funerals wuhsha
The Will of Wuhsha
1  עיון מא וצתה בה
2  אלוחשה אלדלאלה
3  ידפע לאכיהא מאיה דינ'
4  מן ערוץ אלרהון
5  וזוג חלק מכמס ומלאה דביקי
6  ולאכתי כמסין דינ' מן ערוץ אלרהון
7  ותוב חדאד ונצף רדא וכצי
8  ולאבנה עמי כמסה דנא' ומלחפה
9  ונצף רדא וזוג חלק חי אלעאלם ו
10  פצה ומערקה ואלדי תחתי ותובי מא
11  כלא אלבסט
12  ולאכתי צבאח עשרה דנא'
13  וללמגארה כמסה ועשרין דינ'
14  וללכנאיס במצר עשרין דינ'
15  ולכניסה דמוה ולכניסה אלקאהרה כמסה דנא'
16  ישתרי להם בהא זית ויקרי פיהא }(:srettel rellams ni){
page b
1  וידפע ללעניים עשרין דינ' במצר
2  וידפע לזוגה יוסף כמסה דנא'
3  וידפע לאכויהא כל ואחד מנהם כמסה דנ'
4  וידפע ליתימה באלקאהרה דינארין נסיבה לי
5  גמיע דלך כלה יכרג מן גמלה מא
6  עלי אלרהון אלתי הי מתבותה פי אלג'
7  אוראק אלערבי בשרח אלרהון ומא לי
8  עליהם יאכד כל מן אוצית לה בשי
9  מן אלמקדם דכרהם ערוץ אלרהון
10  חסב מא דכרתה ומא פצל ען
11  דלך מן בקאיא אלרהון ינצאף אלי
12  אלעין אלדי לי והו תלתה מאיה דינ'
13  הי חאצרה מעי ואלי סבעה וסתין דינ'
14  איצא ודיעה לי ענד סת אכתיאר מע
15  גמיע מא יבקא לי מן עין וערץ ופרש
16  ובסט יחתפט בה לולדי בשריטה
17  אנא אדכרהא אן עאש ובלג אשדה
page c
1  יתסלם דלך ואן ואלעיאד באללה לחקה
2  אגלה קבל דלך כאן נצף דלך ללכנאיס
3  במצר וללעניים נצפין באלסויה
4  ואלנצף אלאכר יקסם עלי וראתי באלסויה
5  והם אכי וכואתי ובנאת (ובנ :}detcerroc){ עמי
6  ולא ידפע לאביה חסון אלעסקלאני
7  מן דלך חבה ואחדה מא כלא ותיקתין
8  לי ענדה בתמאנין דינ' אן לחק ולדי
9  אגלה אלמחתום תדפע לה מע עשרה
10  דנא' מן גמלה מא יכלפה אלצבי ואלבאקי
11  ללכנאיס וללעניים נצפין באלסויה אלנצף
12  מנה ואלנצף אלאכר לאהלי עלי מא שרחת
13  איצא
14  אלדי יכרג פי חואיגי
15  וכפני כמסין דינ'/מן אלעין אלנאץ ו / {nigram eht no dedda}
16  ישתרא לי מן דלך
17  תוב בסתה דנא' ומלאה בסתה דנא' דביקי
18  ומערקה טלי בדינארין ומעגר בסתה דנא'
19  מנדיל דביקי בדינארין ונקאב בדינארין
page d
1  וכסא תסתרי בסתה דנא' אלי סבעה
2  ותאבות וחואיג חמאלין ונואיבי
3  גמיעהא אלי אן אצל אלי חפרתי ויבנא
4  קברי ומא פצל מן אלכמסין דינ' יפרק
5  עלי אלחזאנין אלדי יכרגו וראיי כל מנהם
6  חסב מוצעה וגלאלתה:
7  אלדי לי ועלי קד אתבתתה פי אלאוראק
8  אלערבי יפעל במקתצאהא
9  אלמלמד ר משה ויקראה
10  אלמקרא ואלצלאה מא יצלח אן יעלמה
11  יוכד לה גטא ווטא ידפע ללמעלם ליכון
12  מקים ענדה וידפע לה מן גמלה
13  מא לה פי כל אסבוע ה דראהם
14  חסב מא ירי בית דין ואלשיוך
15  אלמכתוב פי אלאוראק אלערבי גמיעה
16  אמלאיי מאדון מכתוב בכט אלשיך
17  אבי מנצור בן איוב ובכט גירה