Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S Misc.23.3
Editor: Ed. Moshe Gil, Palestine During the First Muslim Period (634–1099) (in Hebrew) (1983), vol. 3.
Library: CUL
Type: Legal document
1 במותב תלתא כחדא הוינא אנן בי דינא דחתמות ידנא לתחתא כן הוה חצר אלינא מר
2 מובחר הזקן בר מר צדקה נע וקאל לנא אנני כנת חאצר פי דהליז דאר אלאגל זעים
3 אלמלך באלאסכנדריה וכאן חאצר עמראן ועזרא בני בשיר בן נחום פעדלתהמא עלי
4 מא הם בצדדה פי הדה אלאיאם מן אלכצאים ואגרית מעהמא פי גמלה אלכלאם דכר
5 אלנידוי אלדי כאן אדוננו דניאל הנשיא ראש ישיבת גאון יעקב זכר קדוש וטהור לברכה
6 אוקעה בביתהם פקאל עמראן אלמדכור דקדק אללה עטאם דניאל עפרא בפומיה
7 דעמראן דנן וקאל אכוה עזרא אלמדכור אמן וכררא דלך דפעאת ודכר מר מובחר
8 דנן אן עזרא אלמדכור סאעד איצא אכוה עמראן פי אלקול אלדי קאלה חב[ל] עליהון
9 תרויהון פכתבנא אנן בית דין הדא אלמעשה תתבית להדה אלשהאדה לינצאף אליהא
10 שהאדה אכרי שהד בהא שאהד אכר עלי עזרא אלמדכור ממאתלה להדה אלשהאדה
11 ליחדד חיניד מא יגב אן יפעל פי דלך במוגב אלחכם ותאכרת כתאמתנא במא גרי
13 דשנת ארבעת אלפין ותמני מאה ותלתין ותשע שנין לבריתא דעלמא למניינא
14 דרגיליננא ביה במדינת אלאכסנדריא דעל כיף ימא רבה מותבה שריר וקיים