Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 10J4.11
Editor: Ed. Moshe Gil, Documents of the Jewish Pious Foundations from the Cairo Geniza (1976); also ed. S. D. Goitein, unpublished editions https://princetongenizalab.github.io/goitein-notes/5C.2.5%20Mediterranean%20people_%20B_%20II_%201-20/T-S%2010J4.11%20%28PGPID%207846%29.pdf.
Library: CUL
Type: Legal document
1 בשרח
2 נקול אנו הזקנים הישרים הכשרים החתומים למטה אננא קד אמצינא
3 ורצינא באן נחכר אלסאחה אלתי פיהא אלביר אלמעין אלדי בדמוה אלדי
4 עלי אלטריק אלמגאורה ללכניסה אלמעמורה אלמקאבלה לחצנהא ובסתאנהא
5 מדה תלתין סנה //לפלאן// במא מבלגה מאיה //ותמנין// דירהם כל סנה סתה דר ליעמרהא במא
6 יסהלה אללה סבחאנה לה מן רזקה ופצלה וכרמה ותבקא לה ולולדה מן בעדה
7 טול הדה אלמדה ותעוד ללהקדש עלי אלחכם אלאול אלדי כאן אקדשהא
8 כבוד גדולת קדושת מרנו ורבנו זקינינו וגדולינו ישעיהו הלוי החכם הנבון
9 בר כבוד גדולת קדושת שרינו וגדולינו חשובינו מישאל החכם והנבון
10 זכר צדיק לברכה ופעלנא דלך רוצינא בה למא פיה מן אלחט ולמצלחה
11 אלאנס אלכניסה ולמגאורתהא בלעמ/א/רה למן יצלח פאתפק ראינא אנו עלי
12 אחכארהא ללשיך אלנגיב כבוד מר ור אברהם הלוי הזקן הנכוד עטרת הלוים
13 תאות השרים רצוי הגאונים הרחוקים והקרובים מחמד הזקינים איש
14 העצה אשר להם ולנו ישמ אלוהינו ויחיה חמודו יחידו גזע השרים וינצרו אל
15 שוכן מעונים משמי מרומים וכן יהי רצון מלפני רחמים ועלי[ ]
16 וקע אלתראצי מנא ולאכתיאר ולם נבק לאחד פי דלך אנכאר ואגתמע ראינא
17 וכט כל מנא פי הדא אלמסטור וצובנא אלראי פי דלך ואעתמדנא עליה
18 וגעלנא למחתכר הדה אלסאחה אן יעמרהא במא שא ואכתאר
19 וליס עליה תחכם ולא תעקב פי הדה אלמדה אד קד אמצינא דלך
1 אמצא שרעי ולמחתכרהא זראעה ארצהא ואד/א/רה סאק/יה/ עליהא
2 במא ימכנה פי טול הדה אלמדה חסב טאקתה ומקדרתה ושלום
3 והכל שריר וקיים: