Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 10J9.16
Editor: Ed. Mordechai Akiva Friedman, Jewish Polygyny (in Hebrew) (1986).
Library: CUL
Type: Letter
1 יצל הדא אלכתאב אלי סידי אלפרנס אחיה אללה
2 מן גמעה אליהוד אלמקימין בקלהא
1 בשמך רחמנא
2 נעלם סידי אלפרנס אטאל אללה בקאך ואדאם עזך
3 ותאידתך וסעדתך וסלאמתך אן למא כאן יום סבעה עשר
4 בתמוז וצל אלי ענדנא אשיך אבו עמרן מוסה בן יקותיאל
5 רחמה אללה ואהלה והו וגע מן אתר מא גרא עליה באלפיום
6 מן אנהב ואלעקובה פי צפצף וקוטע איצא עליה באלקורב מן
7 ציעתנא ואוכד גמיע מא כאן קד סלם לוה מן צובאבה
8 רחל ועין ווצל ולדה אשיך אבו יעקוב אדאם אללה [ ]
9 עזה בעד דאלך באיאם וקד גרת עליה אהואן לא ימכ[ן ]
10 שרחהא ואקאם ענדה אלאן קצא אללה ופאתה פי אליום אלס[ ]
11 מן אב ולם יכלף ענדנא לא דינאר ולא דרהים ולא קליל ול[א]
12 כתיר לאן וצל הוה וכל מן מעה עראיא ובעד דאלך באיאם
13 תופיית בנתה מן הדה אלמרה אלואצל צוחבה הדה אלי
14 אחרף ותופיית איצא מרתה אלאכרא אלתי הי כ[אנת אם] ולדה
15 חרסה אללה ובקיית [[הדה]] הדה אלמרה ואכתהא ענדנא
16 ואלולד והו לא יקדר יצהר כוף מן אלכושים בסבב מן כאן
17 יצחבה פאלזמנה באיגארה אחד אצחאבנא ותסיר הדה
18 אלמרה אלי מן דכרת אנהו אבן עמהא אלמקים במצר ויוערף
19 באשיך אבו אלמעלי מנצור אבן מוסה אבן מכשול אלכאמ[כי]
20 אלקרא אדאם אללה עזה ואלא בלד יכון פיה ישראל אד מא
21 ימכן למתלהא אלמקאם ענדנא וכתבנא הדה אלאחרף אלי סיד[י]
22 אלפרנס חרסה אללה עלי יד רסולנא אלואצל צוחבתהא
23 לתקף עלי מצמונהא ותנעם בתסלימהא מנה ותוצלהא אלי
24 אבן עמהא אלמוקדם דכרה או תפעל פי באבהא מא יגב
25 פעלה מע מתלהא ושלומך ירבה לעד אמן