T-S 12.792

Letter from Nahray b. Nissim, Alexandria, to Abū Isḥāq Ibrāhīm (a.k.a. ʿIwāḍ) b. Ḥananel, Fustat. Abū l-Khayr became ill following ʿIwāḍ's departure, and his mother suffered greatly on his account. He then improved. Nahray himself developed an abscess on his left hip. He too recovered, but the remnants of the illness are still with him. He was not able to go about his work until the present moment. The rest of the letter deals with business matters. ASE.
Editor: Ed. Moshe Gil, In the Kingdom of Ishmael‎ (in Hebrew) (1997), vol. 2; also ed. S. D. Goitein, unpublished editions https://princetongenizalab.github.io/goitein-notes/Thematic%20documents/T-S%2012.729%20%28PGPID%201697%29.pdf; also ed. S. D. Goitein, unpublished editions https://princetongenizalab.github.io/goitein-notes/5C.1.3%20Nahray%201-100/T-S%2012.792%20%28PGPID%201697%29.pdf.
Library: CUL
Type: Letter
Tags: nahray b. nissim illness: remnants illness letter 969-1517 trade illness illness: skin
Cambridge University Digital Library (CUDL)
Recto
1  כתאבי אליך יא סיידי ומולאי אטאל אללה בקאך ואדאם סלאמתך וסעאדתך
2  ונעמתך מ[ן אלאסכנ]דריה לח' כלון מן כסליו ערפך אללה
3  וסעאדה מא יליה ואלחאל סלאמה ונעמה אל חמד ללה וחדה כרגת
4  ולם אגתמע בך ועז עלי דאלך הם אלאן וצל כתאבך ווקפת מנה
5  עלי עלם סלאמתך וסררת בדאלך אמא חאל אבו אלכיר . . .
6  קד כאן לחקה עקיב ספרך צעף ואשגל דאלך קלובנא
7  וקאסאת (!) מעה ואלדתה מקאסאת אן צעבה באלוחדה
8  ולחקני אנא איצא וגע בכראג כרג עלי פי ורכי אליסאר
9  ואקמת מדה לם אתצרף ואלי אלאן בקאיאה מעי ולם
10  אנבעת לתצרף אלי אסעה ואמא אבו אל כיר חפצה
11  אללה פקד צלח חאלה בחמד אללה ומנה פיגב או תנגז
12  אשגאלך ותעמל עלי מגיך ודכרת אן אשתרי
13  להם נטע ולו לם יכון לך ענדי שי לכנת פארח
14  באן אשתריה ואחמלו הדיא לאכן אבסט עדרי פאנא
15  פי הדא אל וקת מצית וקד כלפת בנאיה אן יאכד מן אבן
16  אלרחבי אלרבאעי אלדי דכרת ויחמלו לולדך ומא עלמת
17  הל אנגזו או לא וכתאבי יצל אליך בעד האדא במא יכון וכיר
18  הו אן שא אללה וקד כנת סאלתך תאכד מן סידי אבו אלפצל בן סברא
19  סדס ותמן פתאכדו לי מנה ותשתרי לי מנה
20  בקיראט סדר וקיראט אשנאן
21  ואלבאקי כיזאן וגצאר
Right margin
 וכדאלך כתבת לסידי אבו | אלפרג צהרי פי חואיג | יביעהא לי מן אל דאר | אלצגירה פתסאעדה
Upper margin
 פיהא וכדלך סאלתה אן | סאפר אלי אלצעיד יאכד לה צחבתה | מא . . . אנבאע | תשתריו לי בתמנה . . .
Verso
In darker ink and a different hand
 זה הפתרון לאליה יכהן בר אהרן
 אל מערבי יחיהו אל וישמרהו וינצרהו
 אמן ואמן סלה
Continuation of the letter
1  ותגיבה צחבתך וכדאלך אנפדת לאבי אלכיר סלאמה זברתין עסל שאמי . . .
2  פתסאעדה פי ביעה ופי ביע אל מצחף ואן סוי ארבעה דנאניר אן יבקיה
3  וידכר סיידנא אל נאגיד נר פי חאגה סיידנא ואל רב נר ויכץ חצרתה עני באגל
4  אלסלאם ויעלמהא מואצלאתי להא באלדעא אסאל אללה אן יתקבל פיה צאלח
5  אלאדעיה קראת עליכם אלסלאם ואבו אלכיר סלאמה אלסלאם ונסים ולדי
6  יכצך באל סלאם ותכץ עני מולא אלביאן באגל אלסלאם ולי מדה מא קראת
7  לה כתאב ואשגל דאלך קלבי אללה יגעלה ואולאדה פי חיז אלסלאמה ותעלמה
8  שכרי לה ולמולאי אלפרנאס אלנאמן פי ביע אלמשאקה ואלקטן ולו כאן
9  אשתריו לי באלתמן חגר פצה מא עאז פיהא רבה תלתה דנאניר לאכן
10  מא יאכד אחד אכתר מן רזקה ולעל יתפק לכם ביע אל כרז
11  אלדי ענד מולאי אלדיאן ואל כרז אלדי ענד סיידי אבו עמראן מוסי בן אלחנן
12  ואללה אללה לא תבקי ממכן (?) פי חואיגי ולא תהמל לי חאגה ותנגז אשגאלך
13  ותעמל עלי מגיך פאן ולדך משתאק אליך כתיר ומא תתם [סעאד]תה
14  אלא ברויתך ואללה יגמעך עליה ושלום
Address, upside down
 לסידי ומולאי אבי יצחק אברהים בן חננאל נע [[אלמערוף בעואץ ]]
 אלמערוף בעואץ
 אטאל אללה [בקאה] ואדאם סלאמתה וסעאדתה
 מן נהראי בן נסים
 מצר אן שא אללה