Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 20.110
Editor: Ed. Moshe Gil, Palestine During the First Muslim Period (634–1099) (in Hebrew) (1983), vol. 3; also ed. S. D. Goitein, unpublished editions https://princetongenizalab.github.io/goitein-notes/5C.2.1%20Mediterranean%20People_%20partnerships_%201-30/T-S%2020.110_1%20%28PGPID%207533%29.pdf; also ed. S. D. Goitein, unpublished editions https://princetongenizalab.github.io/goitein-notes/5C.2.1%20Mediterranean%20People_%20partnerships_%201-30/T-S%2020.110_2%20%28PGPID%207533%29.pdf.
Library: CUL
Type: Legal document
1 שהד[ו]תא דהות באנפנא אנחנא שהדי דחתמות ידנא לתתא
2 בשבה דהוא יומין בירח אלול דשנת [אר]בעת
3 אלפין ותמני מאה וארבעין ושית שנין לבריאת עלמא ב[פסטא]ט
4 מצרים דעל נילוס נהרא מותבה כן הוה חצר אלינא כב ג[ד קד] מר
5 ורב צדקה החבר החכם והנבון בן כב מר ורב מבחר [ ]
6 ומר נתנאל דמתקרי הבה אללה בר ישועה אלמקדסי והכד[י קאלו לנא]
7 אשהדו עלינא ואקנו מנא מעכשו בכל לשון שלזכות וכתבו [וחתמו]
8 תרי נסחי וסלמו לכל ואחד מנא נסחא חדא למהוי בידיה לז[כות ולראיה]
9 ודלך באכתיארנא גיר מקהורין וגיר מגבורין אלא בנפש חפ[צה
10 נחן מקרין ענדכם באן אסתכרנא אללה תעאלי דכרה ועקד[נא ביננא]
11 שרכה אכרגת אנא נתנאל דנן מן מאלי כמסה עשר דינאר ותסלמת [מן]
12 שריכי מר ורב צדקה החבר דנן כמסין דינאר דנאניר דהבא עינא גיאדא
13 יכון גמלה ראס מאלנא כמסה וסתין דינאר עינא גיאדא על מנת אן אעמל[הא]
14 פי צנאעה אלחיאכה ואביע עלי אלבזאזין אלתי (!) פי אלקיאסיר באלוזן
ובאלצבר ומ[א]
15 רזק אללה תעאלי דכרה מן פאידה כאנת ביננא באלסויה ליס לאחדנא זאיד עלי
אלאכר
16 אפילו פרוטה אחת ועל מנת אן אחרץ ואגתהד ואודי אלאמאנה פי גמיע מא
17 אתולאה פי הדה אלשרכה וקד שעבדת רוחי להדה אלשרכה טול מא חאל
18 שריכי כב גד קד מ ור צדקה החבר דנן מנצלח וראיה תתבית אלשרכה
19 ביננא ואמא אן אכתאר אלפרקה פעלי אן אנץ לה מאלה אול פי אול ונהאית אכר
20 דרהם מנהא אלי מדה שהרין מן אול מא אטלב דלך מנה וכדלך איצא וחס
21 ושלום כאן תם נקצאן מן ראס אלמאל כאן דלך ביננא באלסויה וגמלה הדה
אלכמסה
22 וסתין דינאר אלראס אלמאל אלמקדם דכרהא הי בידי אנא נתנאל דנן וליס פי
יד
23 שריכי דנן מנהא אפילו פרוטה אחת וגמיע מא אכדה לי נפקה אסלם
24 לשריכי מר ור צדקה החבר דנן מתלה וקד געלתה נאמן כשני עדים כשרים
25 פי גמיע מא יקול אנה פי גהתי מן ראס אלמאל וגירה