Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 20.162
Editor: Ed. Moshe Gil, In the Kingdom of Ishmael (in Hebrew) (1997), vol. 4.
Library: CUL
Type: Legal document
1 בש[מ רחמ]
2 אדעא יפת בן מנשה ו[כי]ל בנאת בת [יפת
3 אלמ[כנא] אבי אלרצי אלדמשקי אן כאן בין אביה[א
4 ו[בין מס]אפר בן שמו[א]ל שרכה מבלגהא אלף דינ
5 מנהא כמס מאיה לאבי אלרצי וכמס מאיה
6 לאבן שמואל מסאפר דנן ואן אבי אלרצי וקת אן
7 [[אפתרק מן שר]] סאפר ען שריכה מן אלמהדיה
8 אלי אלאנדלס אכ[ד] מעה מן גמלה [א]לשרכה
9 אלתי כאנת בינהמא תלתה מאיה דינ ותרך
10 ביד שריכה מסאפר סבעה מאיה דינ
11 ואן ואלדהא סאפר אלי אלאנדלס ובאע ואשתרי
12 ופי [עוד]תה עטב אלמרכב אלדי קלע פיה
13 ותלף גמיע מא כאן מעה מן אלבצאעה ותופי
14 [[פי אלמרכב]] פי וקת עטב אלמרכב ואנא
15 מסתחק עלי מסאפר דנן מא אסתחקתה
16 מוכלתי בנאת דא עליה והו תלתה מאיה
17 דינארא וכמסין דינארא נצף מא תרכה ואלדהא
18 בידה מן מאל אלשרכה פאנכר מסאפר [[דנן]]
19 [[אן אבי אלרצי וקת סאפר אלי אלאנדלס לם]]
20 וקאל אן אבי אלרצא וקת סאפר מן אלמהדיה
21 אלי אלאנדלס לם יכן ביני ובינה שרכה [[בל]]
22 [[אנני דפעת לה מאל לכאצתי עלי אנה יעמל]]
23 ועלי אננא אשתרכנא עדה דפעאת
24 ואנפצלנא פאן כאן מסאפר דנן מבטל פי
25 מא קאלה וכאנת בינהם שרכה ובקא
26 מנהא בידה סבעמאיה דינ [[וכו]] ואן כאן
27 קד בקי ענדה מן אלשרך אלתי דכר מסאפר
28 דנן אנהמא אנפצלא פיהא ואן כאן כאנה
29 פי גמיע תצרפאתה ומעאמלאתה אלתי
30 גרת בינהמא אפילו שוה פרוטה ולעילא
31 ואן כאן קד אנפד אליה מן בעץ אלאמאכן
32 אלדי סאפר אליהא תמן בקם או גירה מן
33 סאיר אלבצאיע לכאצתה או מן שרכה בינהם