Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
BL OR 12369.8
Library: BL
Type: Letter
1 . . . יום שני
2 אחד . . בעד מזיד אלסלאם עליכם וכתרת אלאשואק
3 אליכם ליס יכפא ען שריף עלמכם באננא טייבין בכיר
4 ועאפיא כדאלך נסמע ענכם אמין וגיר דאלך תעלם
5 יא אכי באן וצלת ענדנא אעז משרפתכם אלכרימה
6 וכאנת ענדנא במקאם וגהכם אלסעיד וחמדנא אללה
7 תע״ עלא צחת סלאמתכם ויא אכי גמיע מא דכרתו
8 לנא פלמכתוב אן שא אללה תע״ פי מיעאד אל
9 אתנין נרסל לכם גמיע מא טלבתו לנא ל[א]ן
10 מוראדנא נרסל לכם סאבק פיחצל ענדנא
11 אשתגאל ולם קצרנא נכתב לכם כטין במא גרה ומא
12 חצל לנא פי אלבואצעה ותעבנא פי ביעהא קוי ולו
13 רבנא סו{בחאנה} סהל ביהא גומעת תֿאֿ ומא תאכד לנא [מן?]
14 טול אלמודה אלדי לם כתבנא לכם מכתוב ואנתו טול
15 דל מודה לם כתבתו לנא מכתוב אלא גומעת
16 תֿאֿ וצלנא מכתובכם ולאכן יא אכי לם תקצרו עלינא
17 באל מכאתיב לאגל אלאטמאנייה עליכם ואלכיר
1 . . .
2 נערפכם בקי יא אכי מן גיהת אלמצאלח אלדי ארסלתוהם
3 לנא ע׳׳י אכינא אלעזיז אלמ״ מוראד אלגוהרגי סו מנאהם (?) ענד
4 אלתגאר פידפעו פי גמיע אלמצאלח אלף ומאיה סבעה וכמסין
5 פנדקלי ופי נקוץ ען מקולתו (?) לנא כמסה ותלאתין פנדקלי
6 ולם רצינא נפרט פיהם לומא תרסלו לנא רד גואב כאפי
7 נעתמד עליה וארצו בעץ כואגת (?) יקיצנא (?) בקמאש הנדי
8 קטני עלא גרמסות (?) בזאיד ען אלראס מאל בכמסין פנדקלי
9 ואן כאן יתבאיין לכם נרסלו לכם אלקמאש ונעטו להם
10 [אלמצאלח] לאן יא גמיע אלתגאר עלא קול ואחד פראינא
11 אלמקיצ (?) . . ל מן אלפלוס ואליום אלקמאש מטלוב פי
12 מצר לאן דל סנה אלחגאג גמיעהם לם גאבו מעהם מן
13 צנף אלקמאש קט אכדא פלאגל דאלך אן כאן תקבל[וה]
14 אלנציחה כלונא נקאיץ עליהם ונרסלו לכם אלקמאש סא[עה]
15 אלקודאם וגיר דאלך יא אכי תנטרו לנא ענדכם קדר כמסין
16 סתין מתקל לולי יכונו טראף קוי לאהל ביתנא לאן לם
17 אסתעזו פי חצרתכם אלכרימה ולכם אלפצל עלא דאלך
18 ואלסלאם
19 ישראל גוילי (?)