Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 8J15.12
Library: CUL
Type: Letter
1 יברכך ייי מציון ואלדה אליהו היב'
2 אעלם ולדי אבו אלברכאת רזקה אללה אלברכאת
3 אנני עמלת פי הדא אלעיד מצוה עצימה יכאפיני
4 אללה בהא חית אנני אפתרק תמנה (?) מן גהה אלמולי
5 אלסאדה אצחאבנא פי אלקליוב ברוכים יהיו
6 טאבת נפסי בפראקי מנה ואלמקצוד מנה אן
7 יקרא הדה אלורקה ינהץ פי אלמגי לאנני עלי ספר
8 אלי אסכנדריה אנא ור יצחק והו איצא אזווגה למן
9 יכתארה אלבארי תע ואנא אגתמע מע סיידנא
10 אלרייס ירום הודו או מע רבנו מנחם שמ צו אן יכו
11 להם שכץ ירתצי בה ואללה אללה סאעה וקופך עלי
12 הדה אלאחרף תגי לאן ואלדתך חצלת להא אלאם
13 עטימה ואללה אלמעאפי ברחמתה פתקום תחצר
14 סרעה ותערף אלשיך אלאגל אלמוופק אבי אלנגם הלאל
15 ופקה אללה תע אן לא יכייבני במא אועד אן יעצר
16 לי קליל כמר בעשרין דרהמא ואלדראהם חאצרה
17 ותבלג סלאמי ללמולי אלאך אלאעז אלנגיב שצ מע ולדה
18 ל [
וללשיך אל[...] שצ / ללשיך אבי אלתנא / וללשיך אבו מ /ואכיה
איצא / וללשיך אלחכים / אלסדיד / ואן כאן גא / אלשיך / אלמכין / תאכד
מנה אלוצ[...] / ותחצרהם מעך / ושלום