Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 8J15.13
Library: CUL
Type: Letter
1 עבדהא אבו נצר
2 בן אלטביב
3 וקף עבדהא עלי רקעתהא אלכרימה לא
4 עדמת אהתמאמהא ותפצלהא וצחבתהא
5 רקעה אלשיך אבי אלמעאלי אדאם אללה עזה
6 והי תדל עלי אנצלאח ראי פי עבדהא והדא
7 בחסן ספארתהא וגמיל ניתהא וקד כתבת
8 לה גואבהא צחבה הדה אלרקעה מולאי יקף
9 עליהא ויתחדת מעה בעד וקופה עליהא
10 לעל יתר פיה מא שרחתה לה וינעם במא
11 תקרר ואנא אמל אן אדא אנכשף וגהי
12 ותדכרת הדה אלנובה כנת אקדר עלי כלאצי
13 ואלתסבב לה וקד ערפתה אנני אשהד
14 אללה עלי אנני מא אטלב אכתר מן לחם
15 לאכל ובגד ללבש ומן ענדי כדלך אלי מא
16 יפרג אללה ענא מן הדה אלשדה ומא סמעת
17 מנה בעד [[ב]] דלך תערפני ואשתהי אן
18 אעיד אגתמע מעהא פאנני מן וקת
19 אגתמעת מעהא אסתבשרת באלכיר
20 ואיקנת נפסי באלצלאח למא כאן לי מן
21 חסן ניתהא ומערפתה בצפה חאלי ומא
22 דכל עלי מן אלעארץ מן קבלה ובעד
ומא אכר גואב אלרקאע אלא תעדר רואה וורקה פי אלמכאן אלדי אנא פי