Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 8J15.14
Library: CUL
Type: Letter
1 ויהי דויד בכל דרכיו משכיל
2 אלממלוך ישרח בעץ מא הו פיה אלצאיקה
3 מן קלה אלמכסב וכתרת אלעילה וגלא אלסער
4 ומזאחמת מתל הדה אלעיד אלמבארך פאללה
5 יעיד עלי אלמולי ברכאתה ויזכיה שנים רבות
6 שנים נעימות וטובות לחזות בנועם ייי ולבקר
7 בהכלו (!) ומן גו לה צאיקתי אן אלציצית אלדי
8 לי ללשבת קד תהרא ורקעתה ומא בינמסך
9 כל מא לבסתתה תהרא ומא אתקל עלי אלמולי אלי
10 פי מתל הדה אלמצוה לאן אלממלוך מא ימכנה
11 יטלבה בין אלנאס לאני בקית יום אלסבת ואקף בין
12 אלנאס כגלאן מן אגלה פלא סימה (!) פי מתל האדה
13 אלעיד אן וחק מא אעתקדה מא שרית לא זבדיאה
14 ולא כוז ולא מלח ולא חטב ולא קמח ולא שי פי
15 אלעאלם אלי ביתי ריקן פאללה יגעלך מקצוד לא קאצד
16 ויתבת פיך תחת אבותיך יהיו בניך תשיתימו וג'
17 ושלום