Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 8J17.28
Library: CUL
Type: Letter
1 יקבל אלארץ אמאם אלמגלס אלסאמי אלאגלי אלאסעדי
2 אלעאלמי אלעאמלי אלכאמלי אלזאהדי אלדיני אלורעה
3 אלמאלכי אלמנעמי אלמתפצלי היא כגק יקרת
4 צפירת ת/פ/ארת מרינו ו[רב]ינו יהודה התלמיד
5 היקר תפארת התלמידים וראש החסידים
6 וגביר היהודים ירום הודו ויגדל כבודו ויחיה
7 לו חמודו יחידו יזכיהו לשמחתו וחופתו
8 וכן יהי רצון וינהא אן אלממלוך לם
9 יגסר עלי מכאתבה מולאה אלא לצרורה קאדת
10 אלי דלך פינעם יבסט לממלוכה באלעדר וכאן
11 קד תקדם כתאב אלממלוך והו יסאל אנעאם
12 מולאה פ[י] תגהיז אלואלדה ואלוקוף פי אמרהא
13 כמא אלמעהוד מן אחסאנה ולם יצל ללמ/מ/לוך
14 גואב מע מא אנני אעלם אנני אקל ואחקר ממן
15 אגאוב אלא אן לא בד אן יכון לי ענדהם מכאן בסבב
16 חק אלואלד זצל עליהם ואלמקצוד אן אלממלוך
17 יסאל אנעאם מולאה באלוקוף פי אמר אלואלדה
18 ותגהי הא פליס תם סביל אלי מקאמהא בקוא
אלבתה ולא [ / סביל אלי טלועי א / ללאסבאב אלדי תקדם / דכרהא פי אלכתאב
/ אלמתקדם ומהמא / גרם מולאנא עלי / אלואלדה אלממלוך / יוצלה ללמולא /
אלאסעד עלי / ל
1 ] מולנאנא אלי מעאודה אלכתב לאנה יצעב
2 עלי לאסתצגאר נפסי ען דלך ואן אמכן אנחדאר
3 אלואלדה צחבה אלשיך אלאגל אבו אלפתוח ולד אלשיך אבו
4 אלעז אלחזאן פהו אצלח מא כאן וקצד אלממלוך תסיר
5 כתאב אליה אסאלה פי דלך וקצדת תסייר אלשיך
7 אבו אלפרג אלזפתאוי כשות מן אלתתקיל אלי אלגמאעה
8 פלא יחוגני מולאנא אלא תסיר שכץ לאלא תתצאעף
9 אלגראמה ומולאנא ופקה אללה גומל חסד אלממלוך
10 יגדד תקביל ידין מולאנא ורגליה ויכדמה באפצל
11 סלאם ואופא תחיה ואכראם וכדלך אלאך אלעזיז מר ור
12 יוסף התלמיד היקר וולדה אלשיך אבו אלכיר מכדומין
13 באפצל סלאם ואלגמאעה גמיעהם מכצוצין באפצל
14 סלאם ומולאיא ופקה אללה וכיל אלממלוך פי אכד
15 אלברדה מן מולאי אלנ הי
16 ז מרחשון (?) קנא' (?)