Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 8J18.31
Library: CUL
Type: Letter
1 כתאבי יא סידי ומולאי אטאל אללה בקאך ואדאם סלאמתך וסעאדתך
2 ונעמאך מן אלמליג ען סלאמה ונעמה למוליהמא ואלשכר דאימא
3 בעד וצולנא סאלמין ודפעה אלשכירה אלי סידי אבו מנצור בן שעיב
4 וערפתה מחבתך וסואלך ען אחואלה וקבצה תם בעד דלך ערפני
5 אנה ערצה עלי בן אלאערג קאל ליס נשתרי שי לא קליל ולא כתיר והו
6 באק לך ענדה אלי וצול כתאבך אליה במא יפעלו עלי כאצתך אלסלם סידי אל
7 שיך אבי יוסף יעקב אלינא וסידי אלשיך אבו כתיר אלסט . . וגמיע אצחאבנא
8 כביר וצגיר אתם סלם ור עובדיה יכצך באלסלם וסידי אבי יוסף
9 וסידי אבו כתיר וגמיע אצחאבנא אלינא וכתבת עלי סרעה
10 פאעצר בפצלך וקד וצל אסחק וופאני מא קד כאן ביננא
11 אעלמתך דלך
לסידי ומולאי אבי יעקב יוסף בן עלי נע' מן ישועה בן אסמעיל נע'
כהן
אטאל אללה בקאה ואדאם עזה