Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 8J19.1
Editor: Ed. Moshe Gil, In the Kingdom of Ishmael (in Hebrew) (1997), vol. 3.
Library: CUL
Type: Letter
1 כתאבי יאסידי ומולאי אטאל אללה בקאך ואדאם סלאמתך וסעאדתך ואתם
נעמתה עליך מן בוציר
2 יא בקין מן אדר ראשון ען סלאמה ונעמה ואלחמד ללה רב אלעאלמין אתפק לי
אלכרוג מן מצר יא מ[ול]אי
3 ולם נגתמע בך [ ] בקיה אלדנאניר וקד כתבתהא לסידי אבי [ ]י פי
תדכרתי ותרכת ענדה אלכתאב אלדי
4 מן עיאש ואנא אסלף יא מולאי דפעהא אלי אבו יחיי מתפצלא לאן ס ה
יצרפהא עני פי אשיא סע ה
5 שראהא וכדאלך כנת וזנת ען סלאמה בן בכאני אלחזאם אלגזיה במצר ובלגני
אנה אוצאך
6 תדפעהא אלי ענדי והי דינ' ותלת ודפע < קיר' פאן אן דאלך צחיח אנא אסל
מולאי יציפהא אלי אלבקיה
7 וידפעהא אלי אבו יחיי מתפצלא [[וכדלך]] וכנת אגתמעת מע סידי אבי סעיד
כלוף פי בוציר
8 וערפתה חאל אלגלאביב אלדי קלת לי והו כאן קד דפעה עלי פי אלחסאב פקאל
לי מא יחסב
9 עליך אלגלאביב דפעתין אנא אסקטה ענך ונחסבה עלי רוחי ואנא אסאל מולאי
אלשיך אן יתפצל
10 ויסקטה עני ויחסבה עליה לאלא יציע עלי ואנת תעלם אן מא לי פי הדה אלקצה
שי וארגו
11 קד אנחלת קצתה עלי גמיל אסל אללה תעאלי יחסן גזאך ענא וען גמיע אצדקאך
פמא לך אנא
12 סוא אלצדאע ומא יכפא ענך חאל כלוף והו אנסאן צעלוך פנא עמלתה מעה מא
יציע לך
13 ענד אללה קראת עליך אפצל אלסלאם ופתיאנך יחרסהם אללה אלסלם
סי]די ומולאי אבי אלסרור יושע בן נתן ננ אטאל אללה
בקא]ה ואדאם סלאמתה וסעאדתה ונעמתה
שאכר תפצלה יוסף בן מוסי
בן ברהון ברהון ננ אלתאהרתי