Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 8J19.26
Editor: Ed. Moshe Gil, In the Kingdom of Ishmael (in Hebrew) (1997), vol. 3.
Library: CUL
Type: Letter
1 על שמך
2 כתאבי יאסידי ומולאי אטאל אללה בקאך ואדאם תאידך וסעאדתך
3 מן אלאסכנדריה לה מצת מן מרחשון כתמה אללה עליה באחסן
4 כאתמה ען חאל סלאמה ונעמה ושוק אליה קרב אללה אלאגתמאע בה
5 עלי אפצל אלמתאב ומא תחב עלמה אן וצל כתאבך ווקפת מנה
6 עלי מא סררת בה מן עלם סלאמתך אדאמהא אללה לך ברחמתך
7 ודכרת וצול אלמיעה ואלכתירה ואנך בעת אלכתירה בצבר שהרין
8 סער ד אק ורבע אלקנטאר והו ביע כסיס ונקץ [[וזנה א]] כ רטל מצרי
9 לא חילה לאן כאן וזנהא קעו' רטל גדוי ואנא אכשא איאך
10 סרק מנהא פי אלמרכב ודכר אנה ערץ אלמיעה סויה סתה דנאניר
11 אלק מן ואנה לם יביעהא וקד סרני דלך לאן ליס מנהא הנא שי
12 וקד כרגו מנהא קליל מן אסבועין פי אלכמס[[ ]]ביע סער ח אק
13 אלקנטאר לאן סלבוהא [[אלתגאר]] אלימין (= אלימנין) והי אן שא אללה תטלב
14 ענדכם ותביעהא לי ביע ביד ואלרצאץ תביקה לגיר הדא
15 אלוקת ולא תביעה באקל מן ה אק' אלקנטאר ואלדינ' ורבע אלכרי
16 עלי רצאץ מימון מנה [[ ]] נצף תכתב עליה ותכתב
17 עלי רחלנא ג רבאעיה אעלמתך דלך ותעלמני סער אלעפץ
18 ענדכם ואלמיעה אלסאילה ואלפוה אלגידה ואלכרויה אלמגרביה
ומא כאנת / לך מן חאגה / תשרפני נקצאהא / קראת עליך / אתם אלסלם / ומולאי
אלשופט / אלגליל וגמיע / מן תחוטה / ענאיתך אלסלם / ואלשיך אבו יעקוב /
אלסלם וצדקה / אלסלם ומימון / אלסלם וקד / כנת דפעת / לה דינ' ורבע / וסדס
יערפני / איש כרג / מנהא עלי / רחלנא / כרג אלי רשיד / רשיד / אלי אן
אתפק / עליה אל מע / אלדי לי ענדה / ותעלמני איש / לזם אלכתירה / פאן
אלמון בעד / אן תדפע עליהא / אלכרי רבאעי / ותערפני אלדי / יצח פי
תמנה / גמיע / אל
סידי ומולאי אבי אלקואם תאבת בן אברהם מן מחבה מוסי בן אבי
אלצבאג אלחי נע
אטאל אללה בק[אה]