Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 8J4.3.1
Editor: Ed. S. D. Goitein, unpublished editions https://princetongenizalab.github.io/goitein-notes/6B.1.1%20Mediterranean%20Peoples_%20Courts/T-S%208J4.3%20%28PGPID%202122%29.pdf.
Library: CUL
Type: Legal document
1 חצר פי בית דין פי יום אלאתנין לסת כלון מן
2 אדר ראשון מן שנת אשלט לשטרות פי
3 כניסת הירושלמים במצר מ ישועה המכונה
4 אבו אלכיר וטאלב מ.. עובדיה בסבעה דנאניר
5 דכר אנה יסתחקהא עליה לאנה קבצהא מנה
6 וסואיל עובדיה הדא פדכר אנה מא יסתחק
7 עלי שי מן הדא אלטלב וסואיל מ ישועה ען
8 בינה פדכר אנה קד אבטל כל בינה לה פי
9 הדא אלטלב ואלתמס אלואגב פיה פאוגב לה
10 בית דין אן ירחם (!) לה חרם סתם במחצר מן
11 מ עובדיה תם דכר מ ישועה זה אנה וזן
12 פי מצאלח מ עובדיה הדא ארבעה ועשרין
13 דינאר ואנה מוסתחקהא עליה פסואיל מ
14 עובדיה פקאל מא אערף מן גמיע הדא אלטלב
15 שי פסואיל מ ישועה הדא הל לך שהוד עלי מא
16 דכרת פקאל לא ולו אן לי בינה פקד אבטלתהא
17 ואלתמס אלואגב פוגב לה גילגול שבועה מוצאף
18 אלי אלסתם (תוספת בכתב יותר קטן:) תם חצרו פי יום אלאתנין ל[[אתני
עשר]] //יב// כלון מן
19 אדר ראשון מן אלסנה אלמדכורה ואסתופי מ ישועה מן מ
20 עובדיה אלחרם עלי אלצפה אלמקדם שרחהא ואקני מ ישועה
21 מן נפסה אנה קד אבראה מן כל מוטאלבה משה הלוי בר שבתי ?
22 אברהם בר מבשר ננ יפת החזן בירבי דויד ננ