Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
CUL Or.1080 J167
Editor: Ed. Moshe Gil, In the Kingdom of Ishmael (in Hebrew) (1997), vol. 3; also ed. S. D. Goitein, unpublished editions https://princetongenizalab.github.io/goitein-notes/5C.1.1%20NN_%20Michael_%20pt.1/CUL%20Or.%201080%20J167_1%20%28PGPID%202259%29.pdf; also ed. S. D. Goitein, unpublished editions https://princetongenizalab.github.io/goitein-notes/5C.1.3%20Nahray%201-100/CUL%20Or.%201080%20J167_2%20%28PGPID%202259%29.pdf.
Library: CUL
Type: Letter
על שמך
1 כתאבי יאסידי ומולאי אטאל אללה בקאך ואדאם סלאמתך וסעאדתך וצרף אלאסוא
ענך ברחמתה
2 מן אלאסכנדריה לנצף מן תמוז כתמה אללה עלינא ועליך באחסן כאתמה ען חאל
סלאמה ונעמה ושוק אליך
3 קרב אללה אלאגתמאע בך עלי אפצל אלאחואל ומא תחב עלמה אן תקדם כתאבי
אליך מע אלפיג אלדי קבל
4 הדא וכאן אלכתאב מכתוב קבל מסיר אלפיג ופי אלכתאב רקעה אלמכס(?)
באלשכארה אלזביב ואעלמתך
5 פיה אמר רגוע אלמראכב אלדי כאנת פי אלכנאיס והי סבעה מרכב אלאשפילי
וקארב בן דיצור
6 וקארב בן אלסנבור וקארב אלרגראג ואבן אלעודי וקארב בן אלגואני וקארב
אלגלונה ואוגב מגיהם אן אל
7 עדו צפא אלכליקה ואכד קארב בן מרדאס פוצל אליהם אנסאן מן אלבחרין אלדי
לה עודא פקטעו
8 אלקום פראציהם ואקלעו וכאן להם פי דלך תופיק ולו לם ישתגל אלעדו
באלקארב אלדי אכדו
9 לכאן יותי עליהם פללה אלחמד וקד רצם עליהם מולאי אלאמיר חתי יפרגו וקד
פרגו אמס
10 ואליום בעץ אוסאקהם ואלתרצים עליהם חתי יפרגו אלבקיה אעלמתך דלך וקד
וצל פרדוך
11 סלאם פי עאפיה והו יקרא עליך אלסלאם ויסאלך תשתרי לה ואלדנאניר אלדי לה
ענדך פלמל(?)
12 ותנפדה אליה והו יאכד עליך פי דלך ולם יבקא מן אלמראכב לם תרגע אלא
אלכמס
13 מראכב אלאולא מרכב בן אלבעבאע ומרכבין לאלאמיר וקארב אלוזיר וקארב
אלכראזמה(?)
14 ואכתר אלשגעה ענהא אנהא עדאת אללה >אסאל< יכון דלך ויכתב עליהם אלסלאמה
ורגע קארב
15 אלשתלוני וכרג פי מרכב אלאשפילי חכש כתיר ובקית אלמראכב מא כרגת אללה
מא סלם מעה...
אעלמתך דלך / וקד קבץ אלשיך אבו / אסחק אלדי כאן לך פי אל / דואמה וכרג /
מנהא אתנין / מהרושה אצלחתהא / ואמא בקית אלמראכב לם תסלם שי מן אעדאלהא /
וקארב בן אלרגראג / לם ינזל מנה שי לאן ללנחאס יזן פיה סהם מחמאה / מן
אלתפריג(?) וקד / קאלו לה תגארה / נזל לנא שינא / ואתרך לך נצף אלסלפה
מאכא(?) / ימעל
וקאל מא אנזל לאחד / שי אלא אן יזן בקית אל / סלפה והי מעה / תחת וקמא(?)
לאן / ליס יקדרו עליה / וכתבת ען סרעה / וקד סאלתך פי / כתאבי אן תתפצל /
ותסרע עלי / כתאבך משרוה / באלחסאב עמא / סאלתך פיה ואן חסן ענדך כתבת /
כתב למן יראעיוני(?) / פי אלשהם אפעל / ותערפני בוצול / אלשכארה אל /
ונשרי אלמליס / קמא ואנא / מנתצר
1 לוצול כתאבך פארגו אנה מני באלקרב ואחב תוקף יוסף בן אלנפוסי אלקפוי(?)
עלי מא כתבת לה פי כתאבך אלמתקדם
2 ללא יתכל עלי אני אעמל לה שי ויבקא מתאעה יתלף ואנא מסאפר וקד אקלע
חסון בן יחיי מן אליום
3 תלת איאם צאחבה ריה טייב וענדי אנה וצל אן שא אללה קראה עליך אתם אלסלם
וסאדאתה אצהארך
4 אחיאהם אללה אלסלם ומולאי אלרב אלסלם ואל ליוי אלסלמ ושלום
לסידי ומולאי אבי יחיי נהראי בן נסים נע מן שאכר מאבחה
אטאל אללה בקאה ואדאם סלאמתה וסעאדתה מוסי בן אבו אלהי נע
כלילה