Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
CUL Or.1080 J40
Editor: Ed. Moshe Gil, Palestine During the First Muslim Period (634–1099) (in Hebrew) (1983), vol. 3.
Library: CUL
Type: Letter
1 אלעבדה אבנה הלאל אלמערוף
2 בשיך אליהוד קאצדה אלי אללה [תעאלי]
3 פי כתוב ללסעיד [פי אמר אכיהא]
4 סעד אלמקים בעסקלאן
5 בשמ רחמ
6 קד געל אלכאלק תעאלי דכרה ותקדסת אסמאה קד געל הדרת כבוד
7 גדלת קדשת מרור יחיי השר הנכבד הוד השררה זקן התפארה
8 שר בית ישראל העומד מנגד לעזור את ישראל מלגא לכל קאצד וכהפא
9 לכל מלהוף ואלבארי גל תנאה ידים נעמה עליהא ויתבת איאמהא
10 ויוצל איאמהא באיאם אלגואל ולא יגלק באבהא פי וגה אחד מן ישראל
11 ויגעל לה[א] מא תפעלה כקרבן כליל עלגבי (!) המזבח פאן מא בקי אליו[ם]
12 לישראל סואהא אללה תעאלי יסתגיב פיהא צאלח אלדעא וכן יהי רצון
13 אלעבדה אלממלוכה תנהי אליה אנהא אמראה גריבה מן אהל
14 עסקלאן ולהא פי עסקלאן אכוין אחדהם כאדם לליהוד יקול לה
15 סעד ומא ללעבדה חיי שעה ולא מא תמון בה אטפאלהא אלא מן [אללה]
16 ומנהם וקד בלגהא אנהם פי צר כביר וצאר יעתמד א[ ]
17 וקד אנקטע באלעבדה והלכת באלגוע בסבב אשתגאלהם ענהא
18 וקד אנפדו יסתגירו באללה ובחצרתהא ויקצדו פי כתאב ללסעיד
19 באלאשתמאל עליהם ורעאיתהם ואלמנע מן אדיתהם וחמאיה
20 גאנבהם וקד טרחת אלעבדה נפסהא עלי אללה ואליהא פי נגאז
21 דלך פאנהא גריבה ומא להא באב תקצדה אלא אללה ובאבהא אל
22 כרים פתפעל מעהא מא יקרבהא אלי אללה סבחאנה ותצטנע
23 עבידהא ולהא אדאם אללה סעאדתהא עלו אלראי פי מא תפעלה
24 מע עבידהא ושלום הדרתה יגדל לעד נ[צח] סלה ישע רב