Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
ENA 4011.67
Editor: Ed. and trans. Oded Zinger, "Jewish Women in Muslim Legal Venues," in Language, Gender and Law in the Judaeo-Islamic Milieu (2020). Awaiting digitization.
Library: JTS
Type: Legal document
1 מעשה שהיה לפנינו אנן בי דינא ומאן דחתים עימנא לתתא סוף שטרא דנן כן
2 הוה בחדש ניסן דשנת אלפא וארבע מאה וחמשין ושיתא שנין לשטרות באלפסטאט
3 רשותיה דאדוננו שמואל הנגיד הגדול יהי שמו לעולם למא אן תופי אלשיך אבו
4 אלכיר רב מבורך הזקן בן רב משולם הזקן נע דידיע אלאצבאגי אחצרת ארמלתה עזיזה
5 בת מר אלעזר הזקן נע דידיע אלמכסאד שטר כתובתה פוגדנא אלמסתחק להא
6 פיהא כמסה מאיה אתנין וכמסין דינאר בין מוכר ונדוניא עלי מנהג אלבלד יכון
7 אלמסתחק להא פיהא מא יזיד עלי אלמאיתין וכמסין דינאר פתפקדנא אלכתובה מא
8 יכון פיהא נאמנות תבריהא מן אלשבועה אלואגבה עליהא באלא. . .[. .]. . . . . .
9 פלם נגד פיהא שי מן דלך פאלזמנאהא אלימין ענד טלבהא אלכתובה פחצרת פי יום
10 אלארבעא דלך ניסן אלמדכור אל בית הכנסת ואכרגנא ספר תורה המקודש ואסתחלפנאהא
11 אלימין אלואגבה עליהא בגמיע שרוטהא פאסתחקת בעד דלך מא פיה(!) כתובתה
12 אלמקדם דכרה וכאן פי גמלה ימינהא אן אלשיך אבו אלכיר דנן לם יכתלף ענדהא
13 שי אן תאכד מנה שי מן כתובתה באלגמלה ואנזלנאהא פי גמיע אלאמלאך אלדי כלפהא
14 אלשיך אבו אלכיר דנן גמיעהא אלדי מן גמלתהא אלדאר אלדי אלנצף מנהא ללקדש
15 וכאן רגלהא אבו אלכיר דנן קד ארהן נצף הדה אלדאר מע אמלאך אכר לה עלי
16 מאיתי דינארא ואבאעהא בדלך ביע ת.וא ואסתחק אלמאלך עליה קבל מותה
17 אתני עשר אגרה פסוגנא להא אנו בתי דינים אסתעאדה אלאמלאך מן אלגוי
18 וביעהא גמיעהא לתופי אלמשתרי מא לה מן אלדין עלי אלאמלאך ואן תסתופי
19 אלבאקי מנהא ממא תסתחקה מן כתובתה ואן לדיה דלך אלא באלבעץ
20 חתי אדא וגדת מא תסתופי מנה באקי כתובתה אכדתה פאתבתנא דלך גמיעה
21 למיהוי לזכו ולראייה לאחר היום שריר ובריר וקיים נתן הכהן בר שלמה
22 יפת בר שמריה נע אברהם בן חלפון סט
אלשטר בימין עזיזה
ארמלה אלאצבאגי