Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
Bodl. MS heb. f 56/126
Editor: Ed. S. D. Goitein, unpublished editions https://princetongenizalab.github.io/goitein-notes/6C.2.6%20Bodleian%20%28e94-f108%29/Bodl.%20MS%20Heb.%20f%2056_126%20%28PGPID%202498%29.pdf.
Library: Bodl.
Type: Letter
1 אלממלוך מנחם
2 ממלוך חצרה סידנא אלרייס ירום הודו
3 וינהי אלי כרים עלמה אנה כאן נהאר
4 אמס קד כרג יעוד מריץ פי טנאן פוגד
5 פי אלטריק אלחזן תמים פאכברה אן שכץ
6 פי קליוב תופא ואחטאט (!) אבן אלעאדלי עלי
7 קמאשה והו ארתי ומצא אלממלוך אלי תם
8 וגרא בינה ובין אלעאדלי מפאוצאת כתירה
9 וטלב יעטם אלמסאלה ויסייר ללקאצי אלמכלץ
10 מן גהתהא סוף דבר אן אלממלוך //תעב// פי אלמסאלה
11 תעב כתיר אלי אן תקרר אנה יקנע באלכטוט
12 בעד אן יגיה רקעה מן ואלדה באן הדה
13 אלעאדה גאריה במצר ואלקאהרה וקד
14 כתבו האולי אלשהוד קדאמי ואלממלוך
15 יעלמהם ויעלם אנהם יעלמו צחה אלנסב
16 ואלמולי ידבר הה אלקצה ויסייר ר אליה אלי
17 אבן אלעאדלי יסאלה פי ורקה אלולאדה ויוריה עדד
18 אלתואקיע אלדי כאנו ענדי והם ענד אלמולי ינעם
19 אלמולי . . . . ורקה ללרייס אבו אלביאן יסאלה
1 אן יכתב ורקה להדא אלשכץ ויערפה אן
2 אלעאדה גאריה בהדא אלמעני ואן בידנא
3 תואקיע בהדא אלמעני פהו נאיבה ומא
4 יכאלפה אנהא אלממלוך דלך ושלום