Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
Bodl. MS heb. c 28/55
Editor: Ed. S. D. Goitein, unpublished editions https://princetongenizalab.github.io/goitein-notes/6C.2.3%20Bodleian%20%28c28-d65%29/Bodl.%20MS%20Heb.%20c%2028_55%20%28PGPID%202524%29.pdf.
Library: Bodl.
Type: Letter
Translation:
1 בשמ רחמ
2 כתבת אטאל אללה בקא חצרה מולאי אלשיך
3 אלאגל ואדאם תאיידהא ועלאהא ורפעתהא
4 וסנאהא וסמוהא וארתקאהא ותמכינהא
5 וכבת אעדאהא וקד עלם אללה שדה שוקי
6 אליהא וארתיאחי נחוהא ואספי עלי פראקהא
7 אלעאלם צחה דלך ימן בקרב אגתמאע סאר
8 עלי אפצל אלאיתאר במנה וכפי לטפה
9 אנא מהני לחצרתה אלסאמיה בהדה
10 אלאעיאד אלשריפה אלקאדמה עליהא
11 אללה יבלגהא אמתאלהא סנון(!) כתיר
12 ואעואם מתתאבעה ויזכה לחזות בנועם
13 ייי ולבקר בהיכלו ולא יגעלה אכר אלעהד
14 מנהא כאן כתאבהא אלכרים וצל אלי אלשיך
15 אבו אסחק אברהים(!) ידכר פיה אנפאד
16 אלעדל כראויא וקד אמתתלת מרסומהא
17 ואסתכרת אללה סבחאנה וחמלתה עלי
18 מרכב אלחאג בן דניא וקד כישת רוסה
19 וחזמתה לאנה כאן אנחל וקד וזנת עליה
20 אלי אן צאר פי אלמרכב לד ונצף וען
21 דאר מאון ובאב אלסדרה נצף ותלת אלא תמן
22 וען אלכור יו דרהם וקד אכרית עליה
23 בטו דרהם חצרתה תסלם דלך בעד אלוצול
24 במשיה אללה [גל] עזה אעלמתהא דלך
25 וקד ואללה סאני אנקטאע כתבהא
26 עני מע כונהא לא תנקטע ען גירי
27 לכן חצרתה מבסוטה אלעדר אללה
28 יגעלהא פי חיז אלסלאמה ויוזעני שכרהא
29 וקד אסתגנית ען אעלאמהא חאל
30 אלמרכב אלגיטאני ווצולה בכתאב
אלשיך א[בי] אסחק פקד | כתב להא כתאב משרוח | בגמיע אלאחואל |
ואנא טאמע באלאגתמאע | בהא בעד אלמועדים | אן שא אללה חצרתה |
מכדומה באתם סלאם | ואפצלה ואסלה תקביל | עיני אלפרע אלנגיב |
פתאה עני אללה | יבלגהא אמלהא | פיה
1 פאן ראת תשרפני בכתאבהא אלכרים
2 מצמן דכר אכבארהא ואחואלהא פמא
3 אולאהא פהו אגל מא אהדי אלי
4 ושלומה יגדל יא מולאי אסאל
5 הזון בן רגא כם וזן עלי אלעדל
6 פי אלכור [וא]ן כאן אקל ממא אכדו
7 חסאבהא מן אלכרי ושלום
חצרה מולאי אלשיך . .[. . . . . . . . . . . . . .]סטא[. .
יהודא בן יוסף מן מצר . .וט. .[. . . . . .]סעדאן בן תאבת
. . . . . . .
. . . . . . . . . . . . . . . . . . . . .] סעדאן בן תאבת
. . . . .] יוסף סט
לקי
3