Bodl. MS heb. d 68/110

Letter from Fustat to al-Mahalla with an urgent order to buy a turban in Damira and various other business related matters. (Information from Goitein's index cards)
Editor: Ed. S. D. Goitein, unpublished editions https://princetongenizalab.github.io/goitein-notes/6C.2.5%20Bodleian%20%28d68-d80%29/Bodl.%20MS%20Heb.%20d%2068_110%20%28PGPID%202561%29.pdf.
Library: Bodl.
Type: Letter
Tags: trade hat
1 כתאבי יסידי ומולאי תעאל אללה בקאך ואדאם עזך ותאידך וסלאמתך וסעאדתך מן אלפסטאט
2 לו איאם בקי מן אלקעדה ען סלאמה ואלחמד ללה רב אלעאלמין וקד נפדת כותבי אליך עדה ומא
3 ראית להא גואב ארגו שגל כיר אן שא אללה וקד כונת סאלתך יסידי חרסך אללה פי שרא
4 עמאמה מן דמירה ויכון עלאמהא אחמר מן דינארין אלא דינארין ורבע כסנג ואחב
5 יסידי לא תתואנה לי פי דלך ואחרץ אן תצל אלי קבל אלעיד ואנא אן שא אללה אבעת לך
6 תמנהא מע אבי אלפרג יושיה והי אעטם חאגתי ענדך ותחתאל לי בכל וגה פי הדא אלחאל
7 ומע מא אני נערף אן יצעב עליך למא אנה שי מה הו מעך פי מוצעך וקד [כ]נת סאלתך וסידי
8 אן תגאז חאלי מע סידי אבי אלחסן בן אבי זנבל אידה אן אכתאר אן ידפע אליך נצף דינאר
9 ולא ירד עלי אלכותב אלדי אכדמני ותתפצל יסידי תדפע אליה נצף דינאר ותמן ולא תדפע
10 אליה שי או תקבצהא מן ענדה ואן קאל לך אנהא בתניס תאכוד כתאבה למן תר ענדה בתניס
11 ותתפצל תחמלהא אלא ענדך ותתפצל יא מולאי תבעת לי אלמאד אלדי פיה אלכראריס ותשד
12 אלמאד שד אן גיד ותבעתה מן אלרקוק אלגא ו.לאת וקד כונת סאלתך יסידי פי כתאבך לסידי
13 אכי עלי שמול וכתאב לסידי אבי אלפרג למחרז אן יתפלס לרחל אלדי לי מן מכלוף ואן אחתאג
14 לא צמאן יצמן לה ואן ואעוד באללה כאן שי הו קבלי והום בריא מנה בקנין וגמיע מא ילאמה
15 מן אלדרך הי קבלי ואחב כותבך והום גמיעא ותצמן עני גמיע מא וצפת לך פי הדא אלכתאב
16 ואחב יאשיכי אן תעינני עלי רפוע אלשיך תמה אללה ואנסא אגלך ובאללה
17 אן עלי קלבי מן כונאה בתניס לאסעה מא לא יעלם ביה אלא אללה עז וגל ולעלי קד שכות לך
18 הדא פי כותבי דפעה ודפעתין ובאללה מא נכשא אלא ותלף קברה ויגי וקת אלחאגה מא
19 נצל אליה וקד אכדת כותב סידי אבי אחלב אליהים ואעמל מעי מא אללה יכאפיך עליה באללה(!)
20 מא לי למן תסכן נפסי אלא אליך ולדי תעמל מעי לוגוה אן שתי ואחדא לקצדי אליך ואכרא
21 למא כאן בינך ובין אלשיך ואחב אן תפרע עלי כל כותב מא ראם הונא פיג וכרג ללאדב
22 ויכינו דרא כתאבי לאלא גמיע . .אם מעי סידי אבי גאלב פי אלדכאן והו יועד כל כיר
23 והו אן שא אללה וראו אן ירגע עליה מתאעה
right margin, diagonal lines at 45 degrees to main text
 וקד ערפתך יסידי | מא אדא פי אלכתאב | אלדי חרוף אללין וכתאב | לפציח וקדם כתאב | כתאבך כמא תאמר | ואן אכתרת אן אוגה[הא] | אליך אנא אוגהא (!) | גמיעא אליך תקים | ענדך מא תשתהי | ועלי כאצת נפסך | אלסלאם וסידי | אבי יעקוב | אסחק
top margin, diagonal lines at 45 degrees to main text
  אלסלאם חסבי | אללה וכפא והו | נעם אלרטל | ואסתודעך אללה | והו כיר מא | אסתודעך
top margin, straight lines at 180 degrees to main text
 ואן כאן לם תאכוד אלכתאב מן
 ענד יחיי לא תכליה ענדה
verso
  1 ודכרת אמר אלכראריס אלדי ענד יחיי [
  2 מא כנת אביעהא מנה ואמר[ת א]ן תקבצהא ות[ ] מע [
 3 אלכראר[יס אן ת חאלי ואמא מא דכרתה אן נסר אלדאר
 4 אנא אחרץ ע הא בה הי טאקתי וכיף אן ת חאגה
  5 וקד ערפני אנסן מן סידי אב[ו אל]חסן ב[ן] אכי אנמא חכם
  6 אלכתב פי דינר ענד קד גה
  7 אבי ש אלנילי דפע אלדינאר
  8 ידפע אליה שי מא כאן לה יעמל מע כאן עלי א
  9 כה דינאר אכדתהא ענה ומן גמעתה יד דינר פאביע פיה[א
right margin, diagonal lines at 45 degrees to main text
 וגירה ממ[ן] | תערף ואחרץ | בכל חילה אן תאכדהא | מן ענדה ותדפע אלי | מתפצל נצף דינר | ותמ | ואלסל[אם]
top margin, straight lines at 180 degrees to main text
 ואחר[ץ] פי | ב[כ]ל וגה עסא | | אלע
top margin, upside down (the address)
 לסידי ומולאי אבי יוסף חואיג בן יוסף אטאל אללה מן נסים בן אסחק נע בן אלסהל
 בקאה ואדם עזך ותאידך וסלאמתך יצל בלמחלה אן שא אללה