Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
ENA 1822a.49
Library: JTS
Type: Letter
Image courtesy of The Library of The Jewish Theological Seminary
Image courtesy of The Library of The Jewish Theological Seminary
1 אלי חצרה אלולד אלעזיז אלשיך מוסי ופקה אללה תע
2 ועווצה כיר ורדה לאפצל מא עוודה מן עואידה
3 אלגמילה וינהי כתרה שוקה אליה ואלי גמיע מן ענדה
4 גמע אללה אלשמל בהם קריב וסמע אנה יטלע אלי
5 מצר פלם יצח דלך ועז עלי פי חקה ופי חק אהלה
6 ופי חק אלצגירה אלמגבונה בינכם אלדי מא חצלת
7 לכם ולא להא ולא לנא ראחה ויא אבן אכתי אנת
8 ואלכלק עלמוא קצדי אנה ללה ולמחבתכם ואלאן
9 קד עמלת אעמאל כתיר לחית יגי אלאמר גייד
10 וגא בפצל אללה תע כיף ארדתם ואנצלח אלצב[י
11 ללה ולכם וללצביה ופרח כל מן פיה ללה שי אל[י
12 חית חצל לה אלמרץ פטלב מא לא ענדה מן גהה
13 אלגואלי ופעל אללה תע לאגל אסמה ואכד כטוט
14 ארבאב אלדולה וכט אלסלטאן וכט אלצאחב באלאעתפא
15 וברד וצולאתה אליה פחצר קאצי קליוב אל[י] מצר וואליהא
16 ואלזמוה באלגלוס פיהא והו פי כיר בעד אן טלב יתגה
17 אלי אלשאם פמא מכן ומא דכל הרב רבנו יצחק שצ
18 . . . . .] אלדכל ינייה אן יסאלוך אן תחמל זוגתה
19 . . .] נגם ויכלי להא דאר ויושתרי להא ק[מאש] וגמיע
20 מא] תחתאג וכאנת אלכירה לכם ולהא ולה ורבמא
21 לא אחד] אשפק ואחן עליהא מנכם ולקד וצל כתאב
22 אחד גיר] אנהא אן עאקתהא ליס מנהא והי מע הדא
מגבונה ומצלומה ולולא אקסם באימאן עצימה מא יס[. . . . . . . .
להא שי ונקעד פי אלבלאד למא
באן ענדי | קלה אלת[. .]ל אלי | אלחד ואלאן יא אבני |
תצוור פי דהן אלצבי | מא סבב לה הדא . . | אלא . . . .הוד ולא ול. | עליה פי חדית אלגאליה | אלא הם וקד . . . . . . |
לל[. .]ו. ומ.ם | . . . . . . . . . .] | . . באסם
ו]אן כאן באלצד פכאן כדאך פאתפצל
. . . .]אדכרו אלתרביה ואלאהליה ואלמחבה ווצלו
. . . .]מא פי קלובכם מן אלגש ואתבעו אלחקאיק