Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
ENA NS 22.5
Editor: Ed. S. D. Goitein, unpublished editions https://princetongenizalab.github.io/goitein-notes/6D.1.2%20ENA%20NS%20%282-23%29%20pt%202/ENA%20NS%2022.5_1%20%28PGPID%202709%29.pdf; also ed. S. D. Goitein, unpublished editions https://princetongenizalab.github.io/goitein-notes/6D.1.5%20ENA%20NS%20%2821-22%29/ENA%20NS%2022.5_2%20%28PGPID%202709%29.pdf.
Library: JTS
Type: Letter
1 בשמ רחמ
2 קד עלם אלבארי סבחאנה מא עלי קלבי
3 מן אנקטאע אכבאר מולאי אלשיך שצ
4 טול הדה אלמדה ולם אסמע מן יכברני
5 כבר יסכן קלבי אליה תם אנה לם
6 יגיני מנה איצא כבר לאנה כרג מן
7 ענדנא עלי אסתקראר פלם ארי לה
8 תאתיר גמלה וקד בקינא משגולין
9 אלבאל בכברה ואעלמה איצא אן
10 מא כרגת אלי הדה אלבלאד אלא מתכל
11 עלי אללה ועליה לאנה הו אכבר מני
12 בהא ואעתקדת אן אמורי תנתגז
13 בראיה פלם יצח ממא חסבתה שי
14 ארגו יכון דלך לכיר ואלהם אלעטים
15 אלדי עלי קלבי אמר אלקמח פאנה
16 מא חצל מנה שי אלי יומנא הדא
17 ולא יטיב לי עיש חתי יחצל פאריד
18 מן תפצלה יפעל פי דלך גאיה
19 מגהודה תם יערפני איש גרי לה מע
20 אלצאחב פאן שהר אלבארי עלי קלבי
21 מנה אמר עטים פלא יוכד כברה
22 גמלה ויעלמני איש הו פיה ואעלמה
23 אנני [[פי]] עולת פי הדא אלאסבוע עלי
24 אלמצי מן טיק צדרי לאן מא אנתגז
25 לנא חאל ואלדכאן מא פיהא מעישה
26 גמלה פלו אנקטע הדא אלמתאע
אלדי מענא מא קעדת סאעה ואחדה אנמא כרגת ללאגתמאע בה ואלתסלי בחצורנא כלנא ארגו תכון
אלעאקבה לכיר ופי אלקלב אכתר לכן רחמנא
לבא בעי ואלגואב סרעה ושלום
שאכרה לא] עדמה
צדקה] בן ר יהודה
נע