Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 10J11.17
Editor: Ed. Moshe Gil, In the Kingdom of Ishmael (in Hebrew) (1997).
Library: CUL
Type: Letter
1 מא נערף מא נכתב בה אליך ישיכי וסידי אטאל אללה בקאך ואדאם
2 סלאמתך ממא אנא מדפוע אליה מן המי אלדי לם יגוז עלי
3 אעצם מנה ומן מסאעדתי לקצא חואיג אלנאס יעקוב אלתונסי
4 סאלני אן נכרג לה ד אחמאל ריפיא קאל לי תרכת ענד סידי אבי
5 אברהם רקעה דאר אלכתאן עלי אן יוגההא לי גא כל מן גא
6 מן אצחאבנא לם יצל לה מעהם שי וקד עמל בנפסה
7 אמר עטים ולולא מא עא בי אבי אלפצל למא זלת חתי
8 נזן ד גיר תלת עלי כל חמל ואכתלפת אלרקאע עלי בקי
9 עלינא חמלין פתתפצל סאעה וצול כתאבי תוגה מע אלפיג
10 רקעה בסתה אחמאל וקד עטא ללפיג דינר ד דראהם עלי
11 אגל ז איאם פאללה אללה לא תוכרה וקד אקלעת מראכב
12 ג דאת יום גרק ואחד מתאע אלחמיקה ואנכסר מתאע בן
13 אלקמורי אלי סקליא ורגע בן אלסכאוי בין גואזיין בעד אן
14 רמא ולם יכון לאחד אצחאבנא פי אלג שי ללה אלחמד
15 ווצל סידי אבי סעיד ולם יגי מעה כתאב מן אלצבי ואשתגל
16 קלבי פאן תם לה אכר חואיג ועני בה אן תקול לה ינחדר אלי
17 נאנס אליה מן המומי עלי כאצה נפסך אלעזיזה עלי אלסלאם
18 ומולאי אבו אלחסין אלסלאם
1 לשיכי וסידי אבי אברהם אסמעיל
2 בן אברהם אלאנדלסי אללה וליה ונאצרה
1 מן ישעיה בן אסחק