Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 10J13.15
Library: CUL
Type: Letter
1 אלי מצר עלי //גמלה// אלעאפיה ואלסלאמה וסלמת עלי סידנא
2 וסלמת לה אלכתא פעטם עליה מא גרי מן בו אלטאהר
3 ואסתחסן מא גרי מן אלמולא פי אמרה מן אלכתאב
4 ושכר תסדידך פי אלמעני והו מתשוק אלי נטרך
5 ומא מנעני יא סידי פי כתבי אלכתאב סרעה אלא אנני
6 כלמא רמת אן אכתב לך מא אגד טייבה נפס ולא
7 אנשראח בל מריצ [ . . . . . . . . ] פאללה תעאלי יוגה
8 לי באלעאפיה ואל . . המי פרקתי מנך ואנא פי שדה
9 אללה יפרגהא וסוי דלך אנני טלבת אלערצי אלצוף פמא
10 וגדת פי מצר שי פאנא אן שא אללה באוגה אלי אלסכנדריה
11 ואנפדה לך אן שא אללה תעאלי פבחק מא ביננא פי אללה
12 אבסט נפסי בכתאב תנפדה לי מן כל בד ולא תתואני פיה
13 והו עלי שאהד ומטלע מא כלית כתב כתאב סרעה
14 אלא דיק(!) צדרי ואקול מא אכתב לה אלא ואנא פי טיב אלנפס
15 כמא אשתהי ואכר אלחאל פכתבתה פתבסט לי פי
16 טני מא אתסעת פי שרח אלב/א/טן פקד ערפתך אלאמר
17 פלא תכלוני יא סיידי מן אלדעא פי כל אלאוקאת ואלאצחא בנא
18 ולא תקטע עני כתבך ותשרח לי גזאית חאלך //באלאשארה// באלדי ביני
19 ובינך ותכון טיב אלנפס עלי בו אלטאהר ותסדדה פי טריקה
20 אכי יסלם עליך וואלדי פ . . . . . לכם ותסלם לי עלי ר
21 אברהם בן שמעיה עלי באלטאהר ועלי אכוה ותערפה
22 אני מא עאקני אכ . . . אלא שגל קלבי ותקול לה יכתב לי
23 כתאב מן כל בד ויערף אלמולי אכבארה פי כתאבה
24 ואלמולי מכצוץ באתם סלאם אצחאבנא ידעונא לך
25 ויסלמו עליך ו א . . . . ל . . . . . כתאבי אלא לאבו אלטאהר
26 וחדה ושלום