Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 10J13.4
Library: CUL
Type: Letter
Translation:
1 בשמ רח
2 אלי סידי ומולאי וריסי וגלילי ותאג ראסי אטאל אללה
3 בקאה ואדאם עזה ותאידתה(!) וסעאדתה וסלאמתה
4 ונעמאה ומן תופיקה אלחסן לא אכלאה ען חאל סלאמה
5 ועאפיה ושוק אליה שדיד גמע אללה ביננא עלי אסר
6 חאל במנה וכרמה אנה ולי דלך והו אלקאדר עליה
7 אן שא אללה ואלדי תריד עלמה יאסידי אן קד פא/ר/קתך
8 [[א]] עלי אני מסאפר ואותי עלי פי אלטריק ואבתלת
9 חואיגי ומר אלסכר ולם יסלם מנה וחק הדה אלאחרף
10 אלא קדר כ רטל ולחקני הם עצים וזהת ען אלספר
11 ואנפדת חואיגי ואלמראכב אלי אסעה מנעאקה
12 אללה תבא ותע יסאהל עליהם ואמא מא
13 נעלמך מן חדית //אלשיך אבו עמראן//מוסי אנה וצל ודכלו אלנאס
14 פי מא ביננא וחלף בשבועות אלחמורות
15 אנהא מא גברת הדה אלק דינאר וקלת לו
16 חתי נחלפה מא חלף אכתר מן דלך וקד צאלחתה
17 וקבצת מנה אלק דינאר ואבריתה אעלמתך
18 דלך אסאל אללה אלא יעדמני בקאך ולא תפצלך
19 ולא יכליני מנך ואן יחיך לי ולכל מלהוף ואן
20 יקזקך(!) בנים זכרים ע/ו/סקים בתורה מקימי
21 מצות בישראל ושלומך יגדל ואל ידל אמן נצח
22 סלה וקראת עלי (!) אלסלאם ועלי אלשיך אבו אלוחש
23 אלסלאם ועלי מן תחוטה עניתך (!) אלסלאם
24 ושלום על ישראל
סידי ומולאי אלשיך אבי אלאפראח ערוס בן יוסף נע
מן מחבה חלפון הכהן בר יהודה הכהן נע