Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 10J20.7
Editor: Ed. Moshe Gil, In the Kingdom of Ishmael (in Hebrew) (1997), vol. 4.
Library: CUL
Type: Letter
1 כתאבי אטאל אללה בקא מולאי ואדאם סלאמתה וסעאדתה וחראסתה וכבת
2 אעדאה מן אלמסתקר לה בקין מן כסליו בלגה אללה אמתאלה וסעאדה מאיליה
3 ואלחאל סלאמה ועאפיה ללה אלחמד עלי דלך כתירא וען שוק אן אליך שדיד גמע
4 אללה תעאלא ביננא עלי כיר ועאפיה אנה ולי דלך ואלקאדר עליה כרגת ענד . . .
5 וכנת אצן אן כתבך לא תנקטע עני פי כל וקת בסאלך ובגמיע אמורך לאני
6 שאהד אללה משתהי אלי עלם אחואלך וחאגה אן תכן לך תשרפני בקצאהא
7 פאחב מן מולאי אן כאן לה חאגה ישרפני בהא ולא יקטע כתבה עלי פי כל
8 וקת לאעלם מנהא אכבארה וקד כנת אעאתב ר נהראי שצ ולי אליום מודה
9 אן כבירה מא קרית לה כתאב ארגו שגל כיר וקד סמעת אנה קד כרג
10 אלי אלריף פאחב מן מולאי יכתב אליי אן כאן כרג חקא לריף או אלי אי מוצע
11 כרג מן אלריף ואן כאן קד באע אלמתאע אלדי לה ואן כאן קבץ אלדי לכאצתי
12 ואן כאן באעה ואן כאן לה חאגה ישרפני בקצאהא ואן כאן ענדה כבר מן
13 ר יוסף שצ אן כאן הו פי אטראבלס(!) או אן כאן סאפר לא עדמת בקאך
14 אבדא ויכתץ מולאי באתם אלסלאם וסידנא אלרב אדאם אללה
15 . . . . . . . . . . . . . . . . . . . . . . . . . . ] ממ . . ה אלסלאם וע . . אללה
1 לסידי ומולאי אבי אלפרג ישועא בן אסמעיל אלמגרבי שאכרה אברהים בן יסחק אלפסטאט אן שא אללה
2 אטאל אללה בקאה ואדאם סלאמתה וסעאדת[ה
3 אסמעיל וחסן . . . . . . אלחסין בן . . . . . . .