Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 10J4.14
Library: CUL
Type: Letter
1 כתר שוקי אלי חצרה אלאגל רבנא יוסף החכם והנבון תגדל שלותו לעד אתאסף עלי פרקתי מנה
2 גאיה אלוחשה אעלמה אן אלשיך אבו אלרצא אלותיק מעה וכאלה לאבו אלבהא אלדמשקי יקתצי בהא
3 קמאש מן ענד תקא אלדמשקי ומן גמלה אלחויאג (!) מטרף חריר גדיד גייד וגדתהם ירידו ירהנוה
4 עלי ארבעין דרהם וחצר מן ידפע להם אלארבעין בוסאטה רבינו וקד אסתוקפת אלחאל למשאורתך תקדר
5 תסתלף להם הדה אלארבעין דרהם עלי אסמך מן אי מכאן ותאכד אלמטרף ענדך תקצי בה
6 חאגתך ערפנא סרעה באלגואב לאן נחן מנתצרין לך פי דלך
1 נסכה עבודה זרה
2 ענד אלשיך אבו עלי כדהא או תמנהא
3 ואדכר אלדי קלתה לך ען אבו זכי
4 ואלזביב
5 ואגתמע באבו אלמחאסן בן
6 סת גזאל ואסאלה ען ואלדתה
7 אנני משתהי אנזל אסאל ענה
8 מא אערף אין תאוי אסתעלם
9 אן תסכן חתי אנזל אסאל ענהא
10 והל נקדר נסבת ענדה פי אלבית
11 אנא ואכר מעי ושלום