Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 12.1
Editor: Ed. Moshe Gil, In the Kingdom of Ishmael (in Hebrew) (1997), vol. 4; also ed. S. D. Goitein, unpublished editions https://princetongenizalab.github.io/goitein-notes/6B.1.1%20Mediterranean%20Peoples_%20Courts/T-S%2012.1%20%28PGPID%203090%29.pdf; also ed. S. D. Goitein, unpublished editions https://princetongenizalab.github.io/goitein-notes/6F.2.2%2012.1-300/T-S%2012.1_2%20%28PGPID%203090%29.pdf; also ed. S. D. Goitein, unpublished editions https://princetongenizalab.github.io/goitein-notes/6F.2.2%2012.1-300/T-S%2012.1_3%20%28PGPID%203090%29.pdf.
Library: CUL
Type: Legal document
1 חצר ר נסים ביר שמריה נע קדאם מן אתבת כטה פי אכר הדא אלכתאב וקאל להם אן קד כאן אודעני
2 ר ששון ביר נתן נע מן קבל כרוגה אלי אלאסכנדריה סבעה עשר דינ נזאריה גדד עלי סביל
3 אלודיעה ואני אחתגת אלי אכראגהא עלי אן ארד לה עוצהא ואני אשתרית דהב פי דאר אלצרף מן
4 בעד [מא] אקאמת ענדי ג שהור בדנאניר [מצר] קימה עשרה דנאניר בתמות ולם אדרי מא הי ואן אלמנאדי
5 [ . . . לא] באלדנאניר ואוראהא אלי אבו עלי אלכימיין פוגדהא בהארג גדד גמיעהא סכה ואחדה ועמל ואחד ואן
6 אלאמר אנתהא פי אלוקת בעינה ללחאמי ולם יכן מור יאיר ביר אברהם השופט חאצר ואן קאמת עלי
7 דאר אלצרף(!) ואכדת ואעתקלת והדדת וודת אלצרורה אן אקול אנהא הי לר ששון ביר נתן נע מן בעד אן [[אנתהי]]
8 אנתהית לסכנת נפשות ולם יכן מ ור יאיר השופט ביר אברהם חאצר וארסל מן בעד דלך אלחאמי
9 כלף מ ור יאיר השופט ביר אברהם נע אד ה[ו] צאחב דאר אלצרב ומן קבל אלשלטון עאמל וקאל אלחאמי
10 למ ור יאיר השופט ארסל אלרגאלה ואכבס דאר אלמדכור פמא זאל יתלטף מ ור יאיר השופט אלקצה חתי
11 מנע מן כבס אלמוצע באלשוחד ותם אן לם יזל מ ור יאיר השופט יתלטף אלקצה חתי אנחלת ואעאד מן
12 גמלה אלסבעה עשר דינ עשרה דנאניר לאן כאן למא אעתקלת פתש כיסי ווגד פיה בקיה אלסבעה עשר דינ
13 סכה ואחדה ועמל ואחד גדד טריה אכד מנהא אלחאמי ז דנאניר ואלגמיע מקטע ודפעת לרכאביה ולרגאלה
14 ולס[וח]ר ז דנאניר גיאד ואסתרדת אלז דנאניר [אלתי כא]נת ענד אלחאמי נאקצה דינ ומא קדרת אן אנטק
15 ולולא תלטף מ ור יאיר השופט הדה אלקצה לכ[אן הדא אלא]מר קד אנתהא ללמלך וכסר פיהא מתל אלאצל עדה דפעאת
16 מן בעד אלצרב ואלאשהאר פאמא אללה תעאלא [ . . . . . . . . . . . ] . ים ואלרג די אעלמתכם [ . . . . . . . . ] אלדי . . .
17 לא מגבור ולא] מקהור אלא ברצא רוחי אעלמתכם גמיע דלך והו אמר משהור מערוף ואלדי אסתעאד אלדנאניר
18 מ ור יאיר השופט מן אבו אלקאסם מתלי אלסכה
19 אפרים הכ[ה]ן
20 נתנאל ביר יפת הח[בר נע]