Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 12.26
Editor: Ed. S. D. Goitein, unpublished editions https://princetongenizalab.github.io/goitein-notes/6F.2.2%2012.1-300/T-S%2012.26_2%20%28PGPID%203113%29.pdf; also ed. S. D. Goitein, unpublished editions https://princetongenizalab.github.io/goitein-notes/6F.2.2%2012.1-300/T-S%2012.26%20%28PGPID%203113%29.pdf.
Library: CUL
Type: Legal document
1 מעשה שהיה בפנ[ינו אנו החתומים מטה . . . . . . . . . . . . .
2 זה כן הוה חצרנא בסנבאט יום אלסבת אל[ . . . . . ]פי אל[ . . . . . .
3 וצלינא ואכרג אלחזאן אלמצחף אלתורה עלי מא גראת אלעאדה בה
4 ופתחה אוראה אלי אלנאס תם אנה אסתדעא במרנ ורבנ צדקה המלמד
5 בר חלפון נע ליצעד יקרא פצל מן אלפרשה וינזל לאן כדא גראת עאדה
6 אלגמאעה בסנבאט יקרא אמא אלחזאן פצל או מן אראה מן אלחאצר
7 פלמא אסתדעא בהדא אלאנסאן אלמקדם דכרה פקאם מן מוצעה
8 ליצעד יקרא פותב אנסאן יערף בהרון (!) אלטארי ומנעה מן דלך ולם
9 ימכנה מן אלצעוד וקאל לה אנך רגל תחת מעאצי מא נמכנך תצעד
10 עלי ראוסנא פאמתעטנא מן דלך אמתעאט אן עטים וסאעדוה
11 באלכלאם קום אכר מן אמכנתהם // והם בדיר אלחלבי ואנסאן אכר // ואתשושו אלנאס וכרגו עליתהם
12 ומא עלמנא מן דלך טרחנא בה כטוטנא ודפענא דלך למרנ ורבנ
13 צדקה המלמד בר חלפון נע ליכון בידה חגה וותאק לאסתיפא חקה
14 לבעד אליום ואתאכרת אלשהאדה ליום אלגמעה אלדי הו ראש חדש
15 מרחשון דשנת אלפא וארבע מאה ותרין שנין למניינא דרגילננא ביה
16 בעיר סנבאט שריר ובריר וקיים