T-S 12.262

Letter from a woman in al-Mahdiyya to Ismāʿīl b. Barhūn al-Tahirtī in Fustat, reporting about the family members in al-Mahdiyya and mentioning his daughter called Mawlat. Dated ca. 1020. (Information from Gil)
Editor: Ed. Moshe Gil, In the Kingdom of Ishmael‎ (in Hebrew) (1997), vol. 2; also ed. S. D. Goitein, unpublished editions https://princetongenizalab.github.io/goitein-notes/6F.2.2%2012.1-300/T-S%2012.262%20%28PGPID%203114%29.pdf; also ed. S. D. Goitein, unpublished editions https://princetongenizalab.github.io/goitein-notes/6F.2.2%2012.1-300/T-S%2012.262_2%20%28PGPID%203114%29.pdf.
Library: CUL
Type: Letter
Tags: fasting
1 כתאבי יאכי וסידי ועזיזי אטאל אללה בקאך ואדאם נעמאך וצאנך ווקאך ומן תופיקה לא
2 אכלאך ראש חדש אב ען חאל סתר וסלאמה ללה אלחמד למוליה מא מן שוק שדיד למא
3 קבלך קרב אללה אלאגתמאע בך עלי אפצל חאל אנה עלי מא ישא קדירא וצלת אלינא
4 כתבכם תדכרו סלאמתכם ללה אלחמד בעד שגל סר ותעליק קלב וכנת צאימה
5 דאעיה אלי אן תפצל אללה בפצלה חסב עואידה אלגמילה אלדי לם תזל קדים וחדית
6 אסל אללה יטיל בקאכם ויגעלני מן אלאסוא פדאכם ויסתר עלי בחיאתכם ויסא[הל עלי אל
7 אגתמאע בכם כמא נחב ונשתהי פאן עלי קלבי מן דלך עצים אסל אללה לא י . . . .
8 מנכם ולא אחרמכם אלתופיק ולא כייב ענאכם ומא תחב עלמה יאכי [ען אהל
9 דארך אנהם פי אפצל חאל ונגיה כמא תשתהי וזאיד //וכדלך// מולאת אללה עז וג[ל יתם לך
10 פיהם אפצל אמלך וישהדני לך בן זכר עאגל קריב וכל דלך יאכי לי אנא . . . . .
11 יצעב עליך דלך אללה יגעלהא מימונה מבארכה בסלאמתך אן שא אללה וכאן יאכי
12 וצלת כתבכם אלי ביותכם מצמנה בסלאמתכם ומצית ללפיג ואקפנא(!) עלי כל מא
13 דכרתמוה ושק עלי אד לם נרי מן אחד מנכם סלאם פצל ען כתאב ואלדי אצטרני
14 אלי מכאתבתכם ליס יכליני קלבי נקטע כתבי ענכם ואכרה אני נתלדד אדא
15 כתבת אליכם כתאב יכאיל לי אנני נחאדתכם(!) ואמא נגיה לם ינקטע דכרך מן
16 פיהא אללה עז וגל יגמע בינך ובינהא ויתם אמלך פיהא ומולאת הי אצבח מן נגיה
17 וא[בעת] להם יאכי כל מא יצלח להם ואן כנת ממן לא תוצא וכדלך איצא אלי אמהם
18 וקד תואלדת(!) אלי אבי אלפצל סלמה אללה איצא בניה ואסמתהא אסם ואלדתי סרורה
19 פי אלדאר אלמימונה אלמבארכה והם מימונאת מבארכאת אללה ירזקכם באיש
20 תרפעו קלובכם וכדלך אמר אבי אלסרור אחיאה אללה גאה בן זכר ואסמאה
21 ברהון אללה עז וגל יגעלה ולד אלחיאה וישהדה פרחה וכאן פרח עצים
22 כמא נשאהד לכם עאגל קריב ותגיב לה מעך מא יצלח לה אללה ישהדנא
23 לך הי. מנה תכתץ מן סלאמי אפצלה ונגיה ומולאת וואלדתהם יקריוך
24 אלסלאם וסלאמה ואבו זכרי אחיאהם אללה ופרחה ואבו סעיד סלמהם אללה יבלגוך
25 אלסלאם וצדקה אחיאה אללה יקריכם אגמעין אפצל אלסלאם וכל מן ענדנא
26 יקריכם אלסלאם
Top margin, diagonal lines.
 ויאכי אן דכלת | מולאת וכאן להם ערס | שניע וקד וקפנא | עלי כל מא כנת | תצפה מן אל | גמיל ען אבי | אברהים אסחק | אחיאה אללה | אללה ישהדך | מולאת ונגיה כיר | ואלסלאם
Verso. Address.
 אכי וסידי וראסי אלעזיז עלי אבי אברהים(!) מן אכתה יצל אן שא אללה
 אטאל אללה בקאה אסמעיל בן ברהון ננ אללה וליה