Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 12.371
Editor: Ed. Moshe Gil, In the Kingdom of Ishmael (in Hebrew) (1997), vol. 4; also ed. Menahem Ben-Sasson, The Jews of Sicily, 825–1068: Documents and Sources (in Hebrew) (1991); also ed. S. D. Goitein, unpublished editions https://princetongenizalab.github.io/goitein-notes/6F.2.1--%2012.302-832/T-S%2012.371%20%28PGPID%203145%29.pdf.
Library: CUL
Type: Letter
1 כתאבי אלי מולאי אטאל אללה בקאה ואדאם סלאמתה וסעאדתה
2 ותאיידה ונעמאה מן אלאסכנדריה ען חאל סלאמה פי אלגסם ושגל
3 פי אלקלב אללה תעאלי ירד אלעאקבה אלי כיר [ויע]שה למען שמו
4 נעלמך יא מולאי סלמך אללה ואחיאך אן אנפדת [אליך] מע סידי בן
5 אבי אלפצל בן אלתהרי מסאלה נחב אן תוקף עליהא [מו]ל[אי
6 רבי נהראי ונעלם אן מא ירד פי מסאלה עלי כל חאל תקראהא
7 עליה ותאכד ראיה פיהא והו ידלך מא תעמלה אן קאל לא
8 תמצי ביהא מולאי אלרב נט רחמ נ. נחב אן תנוב עני
9 פיהא כאני חאצר ותערפה גראצהא ותערפה אן צאחבהא
10 עני מגאח מיית האלך ואנה יחג פי חגה ויתכל גן עדן
11 ואנת יאכי תקראהא ותערף גרוצהא(!) ועשיתה כחכמתך וג
12 ועסי לא יעלם אחד מן אלסקלין אלדי במצר פאן אלזמה מולאי
13 אלרב מא קלתה אנת תשהד פיהא מן יערף . . . . . סקליה
14 אן כאן שהאדת אלסקלין אלדי במצר גאיזה סקליה . . . עמ . . .
15 בן עלי . [ . . . . . ] ואבן אלבצק עמה אכי אלסקלי הו צהר אכוה
16 פ[אן . . . . . . . . . ] תשהד פיהא מגארבה מן יצל אלי אלאסכנדריה
17 . . . . . . . ] מא סאלתך קט פי חאגה ומולאי ואכוה מן אהל אל
18 חואיג אסל אללה תעאלי אן לא יזיל ענכם נעמה ויעמל[[כם]]
19 גמיעכם אחים לשבעה וגם לשמונה ובאללה לקד דכל
20 עלי קלבי מן מא עמל ביך אלאסכנדריה אמרין עצים לאן מן
21 יצתחק אלוזן והו גריב מתלך וזן אליסיר ואלגיר מא וזן שי
22 ואנת וזנת מא לא ילזמך ואללה תעאלי יכלף עליך ויעמל פי
23 . . . . . ]כם אלברכה לאן מא מעכם דרהם פיה
1 ותבקיהא אלי אן תצל מעך אן [שא אללה] פעלת מאנא(!) מתפצלא ותכץ רוחך אלשריפה אלסלם ומולאי .ערוס בן יוסף אלסלם ומ[ . . . . . . . . . . . . . ] ל. . ועקב שלום
1 . . . . . . . . . . . . . . . . . . . . . ] . . וקד כנת אנא עטא בן זכרי טלבת אצחק בן כלף אלדי
2 כאן דאך אלוקת צהרי פי טלב כאן לי ענדה ואצלחו אלנאס ביננא פיה וקאל לי קום דאריני
3 פדאריתה ולם נעלם אן אלתלת מאיה אלמודועה ענד[[ה]] אב[י אלפצ]ל בן סכרי אנהא תרוד
4 אליה בעד סנין וצלת אליה וקבצהא ואלדי וצל אליה .א[ . . ] כתאן ופלפל ובאעה ואנא גאיב ואתצרף
5 פיה וכיאר בן זכרי רחמה אללה מעול עלי אלכתאב אלדי כתב אליה קצה רחלי מע
6 רחלה וערפה אן חצל פי רחל אצחק בן כלף אלף דינ וחצל פי רחל עטא בן זכרי קק דינ
7 וקאל לה פי כתבה אני לם נכתב לה עלי אלרחל אסם ואני מעול עליך תדפע לה רחלה מן מא
8 וצל אליך ומן אלתלת מאיה דינ אלדי בקית ענדי פאן ועאיד באללה קאל אצחק הדה מא נדפע
9 אלי עטא בן זכרי שי הל ילזמה כרוג כתאב כיאר אלמתופא ווקוף אלדיין ואלגמאעה עליה
10 ואן ילזמה שבועה אנה מא יעלם אן אלי עטא הדה פי הדה אלתלת מאיה דינ אלדי כאנת
11 בודיעת כיאר בן זכרי אלמתופא שי
1 אלי סידי ומולאי אבי אלפצל מבורך בר ישראל נע מן צניעה עט[א בן זכרי] נע
2 אללה וליה וחאפצה יצל ברכה אלי מצר א[ן שא אללה