Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 13J13.22
Editor: Ed. S. D. Goitein, unpublished editions https://princetongenizalab.github.io/goitein-notes/5D.2.1%20-%2013J%20%2812-18%29/T-S%2013J13.22%20%28PGPID%203219%29.pdf.
Library: CUL
Type: Letter
1 ואמרתם כה לחי ואתה שלום וביתך שלום
2 ממלוכה בו מנצור
3 בן בי סעד נע.
4 ממלוך כגק מר ור אברהם התלמיד המבין המלמד החכם
5 והנבון ישמרו אלהינו ויהיה בעזרו ויצילו ממגורו ויזכיהו שנים
6 רבות שנים נעימים לחזות בנועם השם ולבקר בהיכלו ולחוג את
7 חג השם בירושלים יקבל ידיה אלכרימה וינהי אליה מא ענדה
8 מן אלשוק ואלוחשה לנצר טלעתה אלסעידה ואלתמלי בהא
9 וסמאע אכבארכם ומא אנתם פיה ואשגל קלבנא אנקטאע
10 כתבך ענא וכאנת כתבך תכון ענדנא מקאם נצר טלעתך
11 אלסעידה פנשתהי תערפנא אחואלכם ומא אנתם עליה
12 להטיב קלובנא וינשרח צדרנא בעאפיתכם ואלצגאר
13 יסלמו עליכם וסת ריחאן תסאל ען . . . . . וכי ונגמיה
14 ותנא ועפיף יסאל ענכם וען כאלתה כתיר ונחן פי עאפיה
15 ומא יעוזנא סוי נצרכם ותסלם עלי יוסף בן בי עמראן כתיר
16 וואלדתה וצהרה ואהל ביתה כאדמך בי מנצור בן שמואל
17 יסלם עליך ויהפיך באלעיד ותנעם תסלם עלי רבנו יחזקאל
18 הדיין הגדול ותהניה באלעיד אלקאדם עליה יבלגה אמתאלה
19 והו פי עאפיה שמח וטוב לב וואלדתה ואהל ביתה וצגארה
20 ושלום
1 תצל אלי מצר אלי כניסה אלשאמיין זקאק חביצה תסלם ללשיך אבראהים אלמחלי
2 אלתלמיד אלמעלם מן עבדה בו מנצור בן בו סעד מן ח . . . . . י