Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 13J13.24
Editor: Ed. Miriam Frenkel, The Compassionate and Benevolent: The Leading Elite in the Jewish Community of Alexandria in the Middle Ages (in Hebrew) (2006); also ed. S. D. Goitein, unpublished editions https://princetongenizalab.github.io/goitein-notes/5D.2.1%20-%2013J%20%2812-18%29/T-S%2013J13.24%20%28PGPID%203221%29.pdf.
Library: CUL
Type: Letter
תעודה מספר 61
TS 13 J 13. 24
מכתב מאלכסנדריה המספר על עלילה שהעלילו באלכסנדריה על אחד מנכבדי הקהילה ועל תופעות של 'שנאות' - התנכלות
ליהודים. על 'שנאות' ראו גם מכתבו של ארח בן נתן: TS 13 J 22. 23 (תעודה מספר 73). אין בתעודה כל רמז המאפשר לתארך אותה, אך אולי הכוונה
לגל השנאות שפקד את אלכסנדריה בשנת 1141, בזמן ביקורו של יהודה הלוי.
לא פורסם.
נזכר: גויטיין, חברה, ב, עמ' 75, הערה 33; שם, עמ' 278, הערה 14; שם, עמ' 280, הערה 25; שם, עמ' 371, הערה 43.
1 בשמך רחמנא
2 עבד אלחצרה אלסאמיה אלרייסייה אלאגלייה אדאם אללה סעדהא
3 ואעלא גדהא ואנגח מסאעיהא וופקהא פי סאיר אמורהא
4 וופקהא חסן אלתופיק פי דניאהא ואכרתהא וגעל להא פי קלב
5 מן אסתכלפהא אלחץ' אלגמיל ואלקסם אלנביל אן שא אללה תעלי {!} יקבל
6 אידיהא וינהי אנה למא אתפק בהא יום אלתקדים פי דאר פרח עלי
7 אנני אגי בלעשי אקבל איאדהא ואודעהא ואסאלהא תסתקציני
8 חאגה לכי אתשרף בהא פדהם אלעבד מן אלאשגאל ואנחדאר אלמרכב
9 ואסתגאתת מן פיה פגלבת ען אלמתול בין ידיהא ועז עלי אלעבד
10 דלך פאן סהל עלי אועאניהא אן תסתכדם עבדהא פי חאגה פתשרפני
11 בדלך עלי אן אלחאגה אלתי תקדמת מא גאת עלי גרצי וקד ערף אלשיך
12 אבו עמראן מוסי צחה קולי עלי אן אעאדה הדא קביח ואמא מוצל
13 הדה אלאחרף פאן אנעמת בתדכרה סלמהא לה ועבדהא ינהי מא
14 תגדד פי הדה אלמדה מן אלצרות עלי אצחאבנא מן גמלה דלך
15 אן זקן הקהילות עומל עליה חילה פי בעץ' אלפנאדק וחבס מעה
16 גאריה תסוא כרובה וקאל להא אנסאן קד תולא אלנצר פי מעני אלזנאר
17 ועבדהא חאצר והו יקול אש[הדי] בין ידין אלקאצי אן אליהוד אכדך
18 גצב ודפע לך אלפצה ואלא אחרקך [אל]קאצי בעד אן יטופך אלבלד
19 עלי חמאר ומא וצלת אלי ענד אלקאצי חתי צאר כלפהא קדר אלף
20 אבן אדם גמיעהם יקולו כננא חאצרין פי אלפנדק והו מעהא פלמא
21 אסתנטקהם אלקאצי כל ואחד במפרדה מא צח מן אלשהאדה אחד
22 גיר אן אלפקחים גלבו אלקאצי עלי מא פי נפסה וקד תגדד עלי אלנאס
23 מן אלשנאות מא לם ירא יום קט פלעל יתלטף אלאמר פי כתאב אלי
24 אלשופט לעל יקוא קלבה פי חק אליהוד כמא כאן ואלא הם תאלפין וקד
25 אנתקל אלשנאות מן נוע אלי וצאר כל מן פי אלבלד מחתסב עלי
27 ומן אנעאמהא פאן אמכן מסאעדה אלאמה בגאה או במאל וכלאץ
28 הדא אלמסכין ואלא מא בקי לשונאי
1 ישראל תוחלת
2 וראיהא אעלי
3 אלראיאת
4 ושלום
1 עבד אלחצרה אלסאמיה אלאגליה ממלוכהא
2 אלר[יס]יה א[דא]ם אללה עזהא אבו אלחסן אלדמשקי