T-S 13J14.14

Complaint of a damin (tax farmer) in al-Minya about competitors, submitted to the Nagid Mevorakh around 1096. The writer claimed to receive one of his appointments as tax-farmer from the father and predecessor of al-Malik al-Afdal. (S. D. Goitein, Mediterranean Society, 2:361, 605-6) EMS See also Cohen, Jewish Self-Government, p. 149; Mann, Jews in Egypt, II, p. 249; Mediterranean Society, I, pp. 85, 411; II, pp. 359, 361, 606; V, p. 367
Editor: Ed. S. D. Goitein, unpublished editions https://princetongenizalab.github.io/goitein-notes/5C.2.5%20Mediterranean%20people_%20B_%20II_%201-20/T-S%2013J14.14_1%20%28PGPID%203231%29.pdf; also ed. S. D. Goitein, unpublished editions https://princetongenizalab.github.io/goitein-notes/5D.2.1%20-%2013J%20%2812-18%29/T-S%2013J14.14_2%20%28PGPID%203231%29.pdf.
Library: CUL
Type: Letter
Tags: communal tax tax farming petition
1 בשמך רחמנא
2 אללה תעלא(!) ישמע מן אלעבד מא ידעי לחצרה אדנינו
3 כגק מר ור מבורך אלוף הבינות חכאם(!) השיבה(!)
4 סנהדרה רבא עוז בית ישראל שר השרים נגיד
5 הנגידים ירום הודו וגדאל(!) כבודו בן כגק מר ו[ר
6 סעדיה הרופא החוסיד(!) בדורו זצל ויחיה שני השרים
7 הנכבודי(!) ברוש(!) ובתחילה כגק מר ור אלריס אבו אלביאן
8 משה ואחיה אלריס אבו אלברכאת ומא ללעבד לסאן
9 אן יודי אלדעא ואלשכר עלי בעץ אנעאם אנע<א>ם חצרתה
10 עלי עבדהא וקע/ו/די בינידי אולאדי לם אששתה מן אללה
11 ומן בעץ אנעאמה עלי וקד צח ענד גמיע אלתגאר
12 ואלדי יטלבו אלצמאן וקופה לעבדה ואשתמאלה(!) עלי ואמתנ[אעה?
13 עני גיר אקואם יקאל להם בני חגילה מן אהל צור ומ[עהם
14 אלפושיע(!) וקד אצגרו אלעבד ממא יטעמהם אלשוחד לעהם(!)
15 ינצרו עני וכל מא אזת פי כראמתהם קד טמעו פי
16 וקד תוגהו בני חגילה ידכרו אנהם יזידו עלי פי אלדיואן
17 ויקול אן מעהם אלשופיט סואר ואלקרא בן אלבירותי ואן
18 אלדכירה ובן אבי סאמה יענו בהם כדא יקולו ומצו אלי
Right margin, diagonal lines written upside down.
1 אלצמאן אלדי פי
2 אלמניה אלדי אנא צאמן
3 מנהם וזאדו עלי ולם
4 יקבלו אלזאיד וקאלו לה[ם
5 האדא צאמן מן
6 דו אלראיסתין תלאת
7 סנין וקד ב[קי לה]
8 סנה ונצף מא נק[בל
9 עליה זאיד חתא יתם צמאנ[ה]
10 ושבועה לולא מא עלי
11 ללמעאמלין מן אלדין
12 מא אתעבת סר
13 אדנינו ירום הודו
Top margin, perpendicular lines.
1 ואלעבד מנתצר מן אללה
2 ומן חצרתה אלמרותה
3 וכלאצי מן אחלא אלקום
4 אלמודין לי פאן תחבס
5 עלי האדי אלסנה ואלנצף בלא
6 זיאדה פמן אללה ומן חצרתה
7 ואן יתם להם עלי אלזיאדה פאלעבד
8 יקבלהא למא עלי מן אדין(!)
9 ללתגאר והם יקתלוני וארגו
10 מן אללה אן סעאדתה תשמלני
11 כמא שמלתני פי אלאול ופי
12 אלאבד אמן יה(!) רצון