T-S 13J14.3

Letter in which a father imposes on a friend to immediately go see “the cursed matchmaker Mother of the Black” and ask her to tell everyone that her story about the writer’s son was untrue. The girl to whom his son was betrothed had lied, and her mother (“the dear lady”) possibly lied as well. The writer expresses that his son did not wish at all to conclude the marriage. (S. D. Goitein, Mediterranean Society, 3:73, 442) EMS
Editor: Ed. S. D. Goitein, unpublished editions https://princetongenizalab.github.io/goitein-notes/5D.2.1%20-%2013J%20%2812-18%29/T-S%2013J14.3%20%28PGPID%203236%29.pdf.
Library: CUL
Type: Letter
1 בשמ רחמ
2 לו אכדת אצף מא גר[י] עלי כאדם חצרה מולאי אלשיך אלאגל אללה אדאם עזה
3 מן אלוכילה אלמלעונה אם סודא קבח אללה פעלהא למא וסעתה רקעה
4 וקד כנת אמס עולת עלי אלאגתמאע מעהא חתי אצף להא בעץ
5 מא גרי עלי וקעדת עלי דכאן אבו סעיד כלף שצ אנתצר לתצרתה(!)
6 אלי אלעשי ולם יתפק לי אגתמאע מעה וקד עולת עלי אלשיך אבו סעיד
7 חפצה אללה יעיד עליה בעץ דלך וחק שם ייי המפורש ווחק(!)
8 אלעשר אלכלמאת אלדי אנזלהא אללה תעאלי עלי יד סיידנא משה
9 עליו השלום אן כאן ממא נסב אליי ולא שי אלבתה ולא פתחת
10 אלבאת מן עלי אלי חית דכול אלשיך אבו אלמעאלי ואלשיך אבו
11 סעיד ולא אצן פי חצרתה ולא פי כל עאקל יצן פי שי מן הדא
12 וכצוץ מע הדא אלשכץ אלנפיס וקד סלמת מן ערערתהא
13 סלאמה כבירה פאסאל אנעאמהא תבת אללה מגדהא סאעה
14 וקופה עלי רקעתי הדה ימצי אליהא ויטלע אלי ענדהא
15 וינכר עליהא מא פעלתה גאיה אלנכיר ויקבח עליהא גאיה
16 אלתקביח ויתבת פי נפסהא אדא גיית אלי תם תמחא מא
17 פעלתה באלעדר מני ווחק תפצלהא לולא כופי מן אן תסי
18 אלשנאעה למא רגעת כדלת אלדאר כצוץ אן אסכן פיהא
19 ומא יעתר ואחד אכתר מן פדר דפעה וללה אלחמד אן הדה
20 הי ואהב יעיד עלי אלשיך אבו סעיד חפצה אללה מא ינפ[ע
21 פימא סאלתה פיה גארי פי דלך עלי מא עהדת מן תפלצהא(!)
22 ויגעלהא תקול לכל מן סמע אלכבר מא כאן לה צחה בל
23 אלצגירה כדבת וימכן אן תכדב הדה אלסת אלנפסיה ולא
24 יצן פי גלאמי שי מן הדא פלא ילחק חצרתה פי דלך
Right margin, diagonal lines written upside down.
 וניה ואשתהי מן //תפצלה// | כתב אלכבר
 פעאדה | פיה לאני מנה ואליה | לא
 אעדמני אללה | בקאהא ולא אכלאני | מן איאדיהא //אבדא//
Top margin, diagonal lines written in same direction.
 תנעם חצרתה | [ . . . . ]יה תבסט | [ . . . . ] פי
 כתב | ה[ד]ה אלרקה(!) | פמן שגל קלבי | וגבני מא | דרית איש | אכתב | אללה תע |
 יהלך מן עמת | מן דלך | כבר
Verso.
1 ויהלך מן תקול עליי
2 ושלמו יגדל לעד
3 נצח סלה