T-S 13J14.7

Beautifully written letter sent to the Nagid Mevorakh at an early point in his career, probably by a person who had formerly been employed by him. (Information from Goitein's index cards)
Editor: Ed. S. D. Goitein, unpublished editions https://princetongenizalab.github.io/goitein-notes/5D.2.1%20-%2013J%20%2812-18%29/T-S%2013J14.7%20%28PGPID%203238%29.pdf.
Library: CUL
Type: Letter
1 ויתן לך את ברכת אברהם לך ולזרעך אתך לרשת[ה
2 מאל אביך ויעזרך ואת שדי ויברכך ברכת ש[מים
3 לם יכף ען סידנא אלרייס אלאגל שר השרים נגיד הנגי[דים
4 ועוז כל בית ישראל יר[ו]ם אלה[יו ו]הודו ויגדל כבודו ויחי[ה
5 חמודו אמן מא אנא עליה מן אלקלה וצ[יק] אל[צדר
6 ומרץ בי ומן וקת אן מאר מן עלי באב אלכרים
7 מן אצחאב אלכראג וליס יקדר יטהר ואיצא אן ליס[פי
8 ידה צנעה ירגע אליהא ולא לה וגה יטלב מן אחד שי
9 ומן יום אן פארק אלבאב אלכרים לם יהדא לה דמעה
10 לא ל[ה] ולא לבנתה ולא כל מן מעה ומא //כאן// [[כנת]] אעתקד
11 אלדי תדפע לה אלא צדקה וכאן עלי אנה יעוד גד יום
12 אן מצא אלי אן אקיל לה מא לה באלאכיר חאגה פאחתאג
13 אן גאב פאן כאן גרי מנה זלה או גלט פהדא וגהת [. . .
14 ידיה וחטאתי לייי אלהי ישראל ולאדונינו שצ ומא [. . .
15 אלא באללה תעאלי ובה לאנה האלך ובאללה לקד כאן [. . .
16 אן רגעת אליה צמת עדה איאם שכר אללה תעאלי פ[. .
17 יגלק באבה פי וגהי כמא אללה תעאלי לא יגלק אבואב
18 אלרחמה פי וגהה וימציאו חן וחסד ורחמים [בעי]ני יו[.
19 ואדם ויחיה לו חמודו ויראהו תורתו ושמחתו ויגיע
20 שנים רבות שמחים וטובי לב ויכתוב אותם בספ[ר
21 חיים ובספר זכרון ובספר פרנסה וכלכלה ובספר
22 סליחה ומחילה אמן והו וכל מן ענדה ציאם באכ[ין
23 דאעיין אלי אללה לעלי עטף בקלבה עלינא וקד כאן משתם
24 לו פארק אלדניא ולא יפארק באבה אלכרים אללה תע[ל
Right margin, perpendicular lines.
1 ולא יכליק מן חסן אלתופיק ושל[ו]מו ושלום חמודו ושלום כל הנילוים אליו יגדל לעד נצח סלה
Verso.
Top margin. Address.
1 אלממלוך אבו אלרצא בן פרג נע