Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 13J15.18
Editor: Ed. S. D. Goitein, unpublished editions https://princetongenizalab.github.io/goitein-notes/5D.2.1%20-%2013J%20%2812-18%29/T-S%2013J15.18%20%28PGPID%203242%29.pdf.
Library: CUL
Type: Letter
1 וצל כתאב מולאי אלאך אלח. . . אל. . . אטאל אללה בקאה ואדאם עלוה ותאיידה
2 וסעאדתה וסלאמתה ונעמתה וחראסתה ותמכינה וכבת אעדאה
3 וקראתה ופהמת מצמונה ומא דכר שי מן אלשוק אלא וענדי אצע[אפ]ה
4 אלעאלם במקדאר דלך יסהל אגתמאעא ושיכא ברח[מת]ה ומא ער[פת
5 כבר ואלדי נע אלא מנה פמא נקץ מן עמרה יזידה פי עמר מולא[י
6 ולה אטול אלאעמאר ואחסן אלעזא ופרחת באתצאל[ה ב]מא סה[ל
7 אללה מן אל[ . . ] ומגי אלולד יהי אח לשבעה וגם לשמונה ולקד
8 חית לם א[ . . ] חאצר אללה סבחאנה יגמע אלשמל קר[יב]א ואשתהי
9 מנה אן יואצלני בכתבה ומהמאתה ואנני חאיר מא אדרי אטלע או
10 צובכם אם [ . . . ] ויכון כתאבך סרעה לאעול עליה ואעמל במקתצאה
11 ואשתהי [ . . . . . ]ן מן עליה וישתרי לי עמאמה אלי ה דנאניר ותוב
12 בג דנאניר ואנא אנפד תמן אלגמיע מע מן תראה וקד אנפדת
13 כתאבה אלי ר יוסף זכור לטוב ואנא מע דאך פי כל עאפיה
14 וקד עמלו מעי אלקום אלדי אנא ענדהם אכתר ממא יעמל [ מע אלגריב
15 פאללה יוליני שכרהם וירזקני מכאפאתהם ולא יקטע אלברכה מע
16 כל מן [י]ד פאנני אתסלא בהא ען אלנטר אליה ועמי קד אשתרא דאר
17 בני [על]וש פי[[הא]] הדא אלזמאן והו מעלם ואולאדה פי אלעאפיה
18 ואסראייל תופי אלי רחמה אללה למולאי אטול אלאעמ/א/ר ור יוסף פי
קלעה געבר ורבינו ברוך | ירום הודו . . . . . . . . . . . |
באלעאפיה כצצתה באתם | אלסלם ולמולאי אלאך באתם | אלסלם ולמן תח[ו]ט ענאיתה |
אלסלם וגמיע [מ]ן סאל | עני אלסלם | ואלחמד ללה | וחדה | ואנא פי דכאן עטאר | ערפתה דלך
מולאי אלאחאל אל. . . . . . . . .א.ל. . . . [ . . . . . . . . . . . . . . . . . . ]אחוה דפס. . . .
אבו אלפרח . . . . . [ . . . . . . . . . . . . . . . . . . . . . . . ] . . . . . אבו אל.ר.