Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 13J15.3
Editor: Ed. S. D. Goitein, unpublished editions https://princetongenizalab.github.io/goitein-notes/5D.2.1%20-%2013J%20%2812-18%29/T-S%2013J15.3%20%28PGPID%203246%29.pdf.
Library: CUL
Type: Letter
1 בשמ רחמ
2 אהני חצרה מולאי אלשיך אלגליל אטאל אללה בקאה ואדאם
3 תאיידה ועלאה וסמוה וארתקאה ורפעתה וסנאה ותמכינה
4 וכבת אעדאה בהדא אלצום אלעטים אלמועדים אל
5 שריפה אלדי ישראל יכתוב אותו בספר זכרון בספר
6 ישועה ורחמים בספר פרנסה וכלכלה ויזכהו שנים
7 רבות שש שמיח לחזות בנועם ד' ולבקר בהיכלו
8 הוא וחמודו וכל הנלוים אליו אמן סלה לו וצפת מא ענדי
9 מן שדה אלשוק ואלאסתיחאש למפארקך מולאי אלשיך אלגליל
10 לטאל אלכתאב ואתסע אלכטאב אלעאלם צחה דלך ימן בקרב
11 אלאגתמאע בה עלי אפצל חאל במנה וכרמה אנה עלי מא ישא
12 קדיר אעלמה אדאם אללה עזה אנני וצלת עלי גמלה אל
13 סלאמה בעד משקה ותעב ללה אלחמד אלדי כאנת אלעאקבה
14 ללכיר ומא עמלה שגל חתי קצית חאגה אלשיך אבו אל
15 פצל וקבצת אלדנאניר מן מולאי אלרייס וסלמתהא למולאי אל
16 שיך אלאגל אבו אלפרג אלקרמסיני וצארת ענדה וקד צדר
17 כתאבה בדלך לחצרה מולאי אלשיך אלאגל אבי עבד אללה
18 מע כתאבי פאתפצל יכתב ברא באלמסלמין וישהר פיהא
19 מולאי אלשיך אבו עבד אללה מע גירה וינפדהא למולאי אלשיך
20 אבו אלפרג ומא פרטת פי חאגתה תעלמה דלך בעד אכצאצה
21 עני באלסלאם וקד כתבת עדה כתב אנפדהא ללאצדקה
ואלמואלי | מן גמלתהם | חצרה מולאי | אלשיך אלאגל | אבו מנצור |
פתנעם | חצרתה באל | אגתמאע | מעה ותעוה | שכרי לה | ותנאי
עליה | מע סאיר | אלעאלם | אל עלי | פי אלאצדקא | מהלב
ומ | מולאי ומא | אחתאג | אוצי מולאי | פי מא | יכתץ |
במולאי אלרב | ובנו אל [ | שמ צור | לא עדמתה | ולא גלות מנה |
חצרתה מכצוצא | באתם אלסלאם | ומולאי אלבהא | ולדה אחיאה | אללה ושל
1 ותנעם באכצאץ חצרה מולאי
2 אלרייס אלאגל אבו סעד באפצל
3 אלסלאם ותהניה באלמועדים אל
4 שריפה וכדלך תכץ עני צאחבהא
5 אלדי מעהא פי אלדכאן באפצל אל
6 סלאם ותהניה באלמועדים אלשריפה
7 ותנעם עלי בבצט אלעדר
8 פי אלמכאתבה לאנני כתבת
9 עלי עגלה ולא תנתקד עלי
10 ותדין אותי לכף זכות מנעמא
11 מתפצלא אן שא אללה ושלום
12 תנעם חצרתה באיצאל כל כתאב
13 לצאחבה וכתאב מולאי אלרייס תדפעה
14 ללשיך אבו מנצור יוצלה אליה ושל
חצרה מולאי אלשיך אלגליל אבי סעיד שאכר מודתהא יוסף בן מעלא נע
חקא אללה בן צדקה
אטאל אללה בקאהא ואדאם עלאהא