Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 13J17.10
Editor: Ed. S. D. Goitein, unpublished editions https://princetongenizalab.github.io/goitein-notes/5D.2.1%20-%2013J%20%2812-18%29/T-S%2013J17.10%20%28PGPID%203257%29.pdf.
Library: CUL
Type: Letter
1 בשמך רחמ
2 יכתר תעגב אטאל אללה בקא מולאי אלשיך אלגליל אבו עלי [א]דאם
3 תאיידה ונעמאה ותמכינה וכבת אעדאה פי קלה קסמי וצעף
4 בכתי מנה אדאם אללה עזה ומא אערף לדלך סבב וליס הו
5 אדאם אללה עזה כגירה מן אלנאס אלדי יצבטו מא באידיהם
6 ולא יפרגו ען אחד בל תפצלה וצדקאתה וברה לבני תורה
7 וגירהם משהור מערוף פמא עסא אקדר אקול אנא אלא מתל
8 מא הדא סבילה לאנני לו שרחת חאלי וקלה קסמי מנה לרדו
9 עלי דלך אלנאס ולם יאכדוה מני בקבול ומא אטן אן גרי מני
10 אמר יוגב מא אנא בצדדה אלאן פאן כאן גרי מני אמר יסוה
11 או בלגה עני אמר יוגב מא אנא פיה פיעלמני לאתנצל מנה
12 וכלא אן שא אללה אן יגרי מני אמר יכרה וכל מא שאהדת
13 אפתקאדה למן הו יגרי מגראי יעטם דלך עלי פאן כאן תם
14 אמר פישערני בה לאן אלכתאב יקול לא תשנא את אחיך בלבבך
15 וחושית חצרתה אן יכון תם אמר יקתצי דלך ויכתמה
16 עני והדה אלמדאפעה ואלממאטלה מא תחסן במתלה
17 והקבה יחפטה ויחפט אולאדה ואנא אותר מנה אדאם
18 אללה עלוה אן יערפני אמר יקתצי דלך לאפעל במקתצאה
19 ושלום הדרתו יגדל לעד